أصعب شيء
مقدمة
هذه ليست رسالة الى المظلوم لكى ياخذ حقه بيده دون الخضوع الى عدالة القانون 0 ولكنها رسالة الى كل ظالم قوى لربما يواجه من هو أقوى منه 0 فيجد فى الدنيا حساب وعذاب 0 ثم يلقى حساب وعذاب آخر من الخالق القوى الذى لا قوى بعده 0
محمد الجابر
أصعب شيء
القصة
المشهد ( 1 ) مطارده
يبدو وكأنه احدى الطرق الصحراويه عندما خرجت إحدى السيارة الجيب من الجانب الرملي لتأخذ طريقها على الإسفلت 0 كان يقودها شاب بدا عليه الارهاق كما كانت ملابسه ممزقة والى جواره كانت تنام فتاه وجهها متعب هزيل 0 كان الشاب يقود بقلق وكان يبدو ان قلقه ظهر من خلفه حيث لحقت به سيارة اخرى تطارده 0 افاقت الفتاة ونظرت للشاب بجوارها .
الفتاة : فى اية ؟
الشاب : احنا هربنا لكن اهم ورانا 0
الفتاة : انا خايفه .
الشاب : ربنا يستر .
اقتربت السيارة الاخرى اكثر وانطلقت منها اعيرة نارية اصابت الطلقات الشاب والفتاة .وانقلبت بهما السيارة عدة مرات ..
===================
المشهد ( 2 ) الكوامل
بلدة ريفيه كبيرة فى صعيد مصر بجوار مدينة الاقصر اسمها الكوامل علي اسم كبيرها سالم كامل الكامل0
وسالم الكامل كبير البلد هو رجل اجتمعت فية كل جوانب الزعامة0ثقافة وتعليم وثراء يتضح من فخامة قصرة ومشروعاتة التى يديرها ابنه الاكبر هشام متزوج من ابنة عمه سعيد كامل الكامل 0 واحمد ابنه الاصغر فى السنة النهائية فى الجامعة الامريكية 0 زوجة سالم اسمها سعاد وهى سيدة هادئة راقية فى حدود التقاليد ومطيعة لزوجها سالم 0 البلدة كلها تتبع كبيرها سالم الكامل ومن بعده اخيه سعيد النائب فى البرلمان 0
اشتهر سالم بقوة شخصيته وملامحه الحاده ورغم ذلك هو انسان يتقى ربه فيما اعطاه لا يتعدى على احد ولكنه لا يدع احدا يتعدى عليه 0 يدير كل شئ من مكانه ويتدخل بنفسه اذا دعت الحاجه لذلك 0 الكل يخافه اذا غضب فتجده يعرف تقدير الامور لذلك اصبح واضح للجميع ان عليهم طاعته وعدم مخالفته فيما وضعه من حدود لكى تسير الامور كما يراها من خبرة السنين 00
وفي عصر يوم حدث ان انقلبت البلدة عندما دخلت ثلاثة سيارات تتابع وراء بعضها مسرعة لتقف امام قصر كبير البلد وخرج من السيارات بعض الرجال وكبيرهم اللواء حمدى وهو أبن عم سالم ويعمل لواء فى الشرطه ويعتبر الصديق المخلص لسالم 0 صوت السيارات اخرج سالم من قصره يتطلع من القادم0
اقترب من سالم وعينة مملوءة بالدموع 0نظر لة سالم وكأنه يعرف ان شيئا سيئا يخصة حدث 0
قال سالم :
فى ايه يا حمدى 0 ايه اللى حصل 0
حمدي : محاولاًً عدم الالتقاء بعين سالم
احمد في المستشفى
استند سالم الي الجدار 0نظر سالم الى حمدى لكى يعطيه تفاصيل 0
اكمل حمدى انقلب بسيارتة علي الطريق الدائري
نزل سالم درجات السلم في اتجاة السياره0صوت الام وهي تبكي يصل باهتا من الداخل 0
فتح السائق لة الباب وجلس معة اللواء حمدي وانطلقت السيارة وورائها انطلقت السيارات الاخري متجهين الى المطار ليستقلا طائرة متجهين للقاهرة 0
=============================
المشهد ( 3 ) المستشفى
يتوجة بسرعة احد الرجال ليعرف مكان الولد ويدخل سالم وحمدي فيوجهم الرجل الي المصعد0
يصلوا الي الغرفة فيجدوا اثنان من عناصر الشرطة ويستقبلهم ضابط برتبة عقيد يلقي التحية العسكريه للواء حمدى وهو يحاول تجنب اسئلهم 0
نظر سالم الي حمدي بدهشة من وجود الشرطه وكأنة يدرك ان حمدي يخفي شيئا 0
قال حمدى : ايه يا شوقى حصل ايه0
يرد شوقى محاولا الا يكون منه الخبرالمزعج لعلمه بعلاقة اللواء حمدى باحمد وايضا وضع والده 0ويكتفى بازاحة مسئولية الرد الى الطبيب قائلا
شوقى : الدكتور اهو جاى يا فندم 0
بدات الدموع تظهر فى عينى حمدى لما احس به من محاولة هروب العقيد شوقى من الرد 0هنا
نظر سالم الى شوقى ثم تركه متجها الى الغرفه فمنعه الشرطيان ولكن ينظر اليهما شوقى ليتركاه 0
دخل سالم الى الغرفه يقترب ببطئ من فراش ابنه حتى جلس بجواره 0 كان وجه ابنه ملئ بالجروح 0 لمس سالم يد ابنه محاولا افاقته بهدوء 0 الدموع تنهمر من عينيه 0 لا حركه تاتى من ابنه 0 احس بما كان يخبأه الاخرون 0 تاكد من فراق ابنه حيث الاجهزة التى بالغرفه متوقفه عن العمل 0 وضع راسه على صدر ولده غارقا فى البكاء لتخطلط دموعه بدماء ولده 0يفتح الباب ويدخل هشام الابن الاكبر صارخا
هشام : احمد اخويا لا لا ااااااااااه قتلوك ليه يا خويا رد عليه قلى مين اااااااااااااااه احمد مات يا بويا 0
يرفع سالم وجهه عن صدر ولده وينظر بنظرة حاده الى ابنه هشام بعد ما قاله يقترب من هشام يمسك بيده مستندا عليها وفى نفس الوقت كان بها شئ من القسوه حيث جذبه الى خارج الغرفه وكان حمدى على وشك الدخول فمنعه سالم مشيرا له بان يتبعه وخرج بابنه هشام مغلقا باب الغرفه ومتجها الى حيث يقف العقيد شوقى 0 وبتماسكه المعتاد ونظرته الحاده قال0
سالم: ممكن اعرف ايه اللى حصل
شوقى : البقيه فى حياتك يا سالم بك0
سالم: ايه للى حصل 0
شوقى : احنا وجدنا ابن حضرتك داخل سيارته الجيب مقلوبه تقريبا الفجر
توقف شوقى مترددا ثم اكمل : وكان معاه واحده 0
سالم : معاه واحده ؟ وايه اللى جابها مع ابنى 0
شوقى: لسه معرفناش لكن المشكلة اللى فى الموضوع اننا لاقينا المسدس اللى انضربوا بيه معاهم فى السياره 0
سالم : والست دى فين
شوقى: للاسف ماتت لكن جارى البحث عن هويتها 0
ويمد يده بكيس صغير به محفظة ومفاتيح خاصة باحمد يتناولهما حمدى ويستأذن شوقى ينظر سالم الى الكيس يعرف ما بداخله يتناوله برفق من يد حمدى
جلس سالم يعصر بيديه الكيس ويذرف الدمع فتسيل دموعه على الكيس 0تحدث مكررا بعض جمل العقيد شوقى 0وطريقته فى الكلام اخذت شكل الذهول مما حدث 0
سالم: ابنى انقتل ومعاه واحده 0
يقترب هشام من والده فى حزن وخوف على ابيه 0
هشام : يا بويا متعملش كده فى نفسك انا مش هسيب دم اخويا الا لما اخلص على اللى قتلوه 0
انتبه سالم الى هشام 0 نظر اليه فى خوف عليه احتضنه وكانه يقول انت من تبقى لى 0 اعتدل فى نبرة صوته قائلا0
سالم : روح خلص اجراءات دفن اخوك وانا هحصلك على البلد 0
قام هشام منصرفا منحنى الراس 0
نظر سالم الى حمدى يريد منه كلاماً مباشراً 0
سالم : تقدر تفهمنى حاجه يا سيادة اللواء0
يمسح حمدى دموعه بمنديله الابيض ويلتفت الى سالم
حمدى :احنا حتى الان منعرفش هما كانوا فين ولا رايحين فين كل اللى عرفناه ان احمد اخد جرعة تخدير وكمان البنت اللى كانت معاه احنا معرفناش البنت دى مين لكن هنعرف وممكن نوصل من وراها لحاجه 0
اوقفه سالم قائلاً:
سالم :يعنى احمد اتقتل مش كده 0 ومحدش يعرف مين قتله 0
حمدى : الاحتمالات موجوده يا سالم وكمان لان المسدس موجود معاهم فى السياره يدينا احتمال تكون البنت دى هى اللى قتلته او اتخانق معاها 0
يقاطعه سالم فى حده مندهشا ومستنكرا0
سالم : قتلته اتخانقت معاه انت بتتكلم عن مين !!! احمد اللى ربناه يموت معاه واحده وتقولى هى اللى قتلته وهو اللى قتلها 0 احنا معندناش حد مجرم للدرجه دى يا حمدى 0
حمدى : انا زيك معرفش حاجه لكن لازم نعرف ايه اللى جابها معاه 0
يهز سالم راسه محاولا اختصار الجدال وكأن لا فائده من ذلك وقام وقام معه 0
سالم : ياله بينا 0
حمدى : هتروح فين ---- المطار ؟
هز مفاتيح ولده احمد ثم مشى وتبعه حمدى
=====================================
المشهد ( 4 ) منزل الأبن
فى حى راق يصل سالم وحمدى الى احدى العمارات يستقلا المصعد ويصلا الى احدى الشقق 0 يخرج سالم المفاتيح يفتح الباب يدخلان يتجول سالم فى الشقه ينظر الى صورة ابنه وحمدى لا يفعل شئ سوى النظر بحزن 0 جلس على احد المقاعد تارة ينظر الى سالم وتارة الى صورة احمد0 يتجول سالم الى ان يتجه الى مكتب ولده يجلس خلف المكتب يتحسس الكتب والاوراق 0 يقرب كتاب الى انفه يشم رائحة ابنه0
يدق موبايل حمدى وكان على الطرف الاخر شوقى كان يكلمه عن البنت التى كانت مع احمد فى السيارة 0 الكلام جعل سالم ينتبه حتى انتهى حمدى 0 نظر اليه سالم منتظرا توضيح
حمدى : البنت متبلغ عنها غياب وامها بتشتغل فراشه فى نادى 0
سالم : انا اكيد فى كابوس بنت مع ابنى ؟ وابنى مقتول والبنت مقتوله وامها فراشه 0 امتى حصل كل ده وانا نايم على ودانى 0
حمدى : احنا ممكن نعرف الاجابه من ام البنت دى
يهز سالم راسه فى يأس ثم يفتح الدرج العلوى يقلب فى محتوياته ثم يتوقف حيث امسك ببطاقة عضويه فى نادى لا يعرفه 0 يخرج البطاقه ينظر الى حمدى 0 يقترب حمدى يمسك منه البطاقه 0
حمدى : النادى ده جديد لكن احمد اشترك فيه اذاى واحنا منعرفش0
سالم : حمدى يمكن تفتكر انى اتجننت او فقدت اتزانى لكن انا حاسس ان البدايه من النادى ده 0
حمدى: يعنى ايه ؟
سالم: يعنى انا هاخد بتار ابنى 0
حمدى : تاخد بتاره من مين 0 يا سالم اللى حصل حصل وسيب القانون ياخد بتارك
يصرخ سالم :القانون كان فين لما ناس منعرفهمش يقتلوا ابنى اللى انت عارفه كويس
حمدى : بس احنا مش فى غابه 0
سالم : وانت عارفنى فى شغلى وفى تربية اولادى عمرى ما ظلمت حد ماشى فى حدود ربنا ولما اكون فى حالى ويجى اللى يعتدى عليه ، المطلوب منى انتظر العداله من القانون 0
حمدى : احنا يا سالم طول عمرنا بنشتغل بالقانون ده ونحترمه ولو خربنا النظام يبقى هتبقى فوضى 0
سالم : انا مش هعمل فوضى انا هصلح الفوضى اللى حصلت 0
حمدى : يعنى مش نروح للست دى ونعرف ايه اللى جاب بنتها مع ابننا 0
سالم : انت بتقول الست دى فراشه ومبلغه عن غياب بنتها ولو عارفه حاجه عن ابنى وانه ورا اى مشاكل كانت قالته فى بلاغ الغياب 0
حمدى : انت عارف احمد يا سالم ابنى اللى مخلفتوش انت عارف ان مراتى هدى متعلقه باحمد قد ايه ده ابننا 0 وغير كده لما نتكلم عن الطيبه والشهامه والرجوله والامانه والاخلاق نقول احمد 0 ويمكن يكون احمد له علاقة خير والست دى ممكن تقولنا هو عرفهم ازاى 0
سالم : شئ واضح انه عرفها من النادى ده
حمدى بس لازم نمشى بالقانون يا سالم وبلاش نولعها نار منعرفش هتوصلنا لايه 0
سالم : وتفتكر احمد ميستحقش 0
حمدى: لاخر مره بقوللك خلينى اقلبلك البلد واجيبلك اللى قتل احمد وياخد عقابه بالقانون 0
سالم : اعمل اللى انت عاوزه بس مش عاوز حد يعترضنى او يمنعنى من الى حعمله 0ولازم تعرف انى هنتقم لابنى فاما تكون معايا او تكون ضدى 0 حتى لو قلت انك هتاخد الحياد هتبقى ضدى 0
انفعل حمدى من كلمة الحياد وذهب الى صورة احمد واشار للصوره المعلقه وهو ينظر لسالم
حمدى: حياد ايه يا سالم انت صحيح الكبير لكن موت احمد مش انا اللى ياخد فيه الحياد 0 واللى انت عاوز تعمله انا معاك فيه مش علشانك ولا لانى خايف اكون ضدك لكن لان قلبى محروق والسكه اللى انت هتمشى فيها ضد عملى وعلشان كده كفايه عليه شغل وارتاح 0
سالم : انت عاوز تسيب شغلك يا حمدى ؟؟؟؟
حمدى: لانى هشتغل شغلانه تانيه يا ابن عمى يا كبير 0
سالم : تضحى بشغلك يا حمدى ؟؟؟
حمدى : وأسيبك لوحدك يا ابن عمى وصاحبى هو أنا عمرى سيبتك !
سالم : بس أنا مش عاوزك تندم لانى معرفش هنلاقى حاجه ولا لا
اقترب حمدى من سالم واحتضنه وسالم عينه متعلقه بصورة ولده ونظرة تحدى وغضب 0
===================================
المشهد ( 5 ) الدفن
في البلدة عاد الجميع مع جثمان الولد0 البلدة محتشده مع الجثمان الي المقابر اصوات النحيب من كل اتجاه 0 الرجال والنساء الكل تزاحم لوداع الشاب الانسان الذى تعودوا منه كل الخير0 الكل يبكى احمد الكل يحكى عن المصيبة التى اصابت البلد 0
احتضن سالم ابنه وقبل راسه قبل ان ينقلوه من داخل التابوت ملفوفا بكفنه الى داخل القبر 0 الكل حول سالم الذى يحاول التماسك حتى وهو يحتضن ولده 0000 وتم الدفن 0
في ديوانية القصر سالم يجلس مع اخيه سعيد عضو البرلمان وهو رجل قوى الملامح 0 لكنه اما اخيه سالم تابع مطيع 0 كان سعيد يسال اخيه سالم على استحياء من السؤال الذى لم يكن متوقعا لاحمد الشاب الصغير 0
سالم : اعمل ترتيبات العزا يا سعيد 0
رفع سعيد رأسة 0
سعيد: العزا بعد التار يا اخويا 0
سالم : وانت عاوز تعلنها انك هتاخد التار 0
قال سعيد : ليه هو احنا خايفين
سالم : لازم نكون خايفين اولا الناس هتجيلك من كل مكان وثانيا علشان التعالب متهربش 0
سعيد : طيب فهمنى هنعمل ايه
سالم : هتفهم بس لما يجى خمدى وروح انت خلص موضوع العزا ومش عاوز حد يعرف باللى حصل 0
ينصرف سعيد مطيعا ويقابل سعيد وزوجته يدخلان من باب القصر الزوجه هدى امراة ذات جمال هادئ راقية حتى فى الملبس الاسود الذى ارتدته حزنا سلمت على سعيد وانصرفت متجهة الى ام احمد لتنضم الى الحريم 0 يقف سعيد يتحدث لائما الى حمدى 0
سعيد : ايه الاخبار يا سيادة اللوا
حمدى : هنتكلم لما نقعد مش دلوقت يا سعيد 0 فين سالم
سعيد : ادخله جوه وانا هشوف العزا 0
==============================
المشهد ( 6 ) الام
تدخل هدى الى غرفه الحريم حيث تجمعت النسوة ترتدى السواد اقتربت هدى من الام سعاد تحتضنها فتبكى سعاد بحرقه عندما رات هدى تشير الى مدى حب هدى لولدها المقتول 0
سعاد : شفت يا هدى احمد مات يا هدى احمد يموت كدا يا هدى اااااااااااااه يا بنى
هدى : ربنا يرحمه يا اختى ربنا يرحمه 0 احمد كان الملاك بتاعنا
سعاد : والملايكه يروحوا كده 0
هدى : ربنا ينتقم من اللى كان السبب
يشتد البكاء وتتدخل ناديه زوجة هشام وهى ابنة سعيد عم هشام وكان يبدوا عليها الحمل
ناديه : بلاش كده يا خالتى احمد مكنش هيرضى تعملى كده علشان يستريح اصبرى وربنا مش هيسيب اللى اتسبب فى موته من غير عذاب فى الدنيا والاخره 0
تهدأ الام وتلقى برأسها فى احضان هدى التى تمسح على رأس سعاد الام والحزن والغضب فى عينيها 0
============================
المشهد ( 7 ) العزاء
البلد كلها تحولت الى سرادق عزاء القادمين من كل اتجاه بمختلف طوائفهم ومستوياتهم ، الحشود الهائلة التى قدمت 0 الجميع يتجهون الى موقع العزاء الضخم 0 كبار العائلة وعلى رأسهم كبيرهم سالم الذى وقف شديد الملامح غير مهزوز يتقبل عزاء الجميع الكل يشد على يديه 0 الكل جالس فى السرادق يستمع الى القرآن فى احترام منحنى الرأس والحزن على وجوه الجميع 0 مهما كان نوعه حقيقيا او مجاملا لوضع هذه العائله وكبر نفوز كبيرهم 0
استمر العزاء لاوقات متأخرة بالليل حتى انتهى واغلقت ابواب القصر وانصرف الجميع واتجه الكبار يتبعهم هشام وابن عمه على يتجه الجميع الى الديوانيه حيث جلسو منتظرين كبيرهم سالم الذى اتجه الى زوجته سعاد 0
==========================================
المشهد ( 8 ) الوالدين
اقترب سالم من الغرفه التى تواجدت بها زوجته ومعها هدى وزوجة ابنه وبعض نساء العائلة تنحنح لكى يلفت انتباه النساء أشار الى زوجته التى قامت اليه فى طاعة تجر معها الحزن 0 يلف سالم ذراعه يضمها اليه يبتعد بها قليلا ثم يلتفت اليها مؤكدا بنبرة حاده
سالم : سعاد عاوزك زى ما تودت منك تقفى جنبى وتساعدينى
سعاد : وانا بايدى ايه خلاص احمد مات
سالم : احمد انقتل يا سعاد 0
كادت ان تصرخ لولا ان شد على ذراعها لتصمت لكى يكمل كلامه
سعاد : ازاى ومين ؟ ! احمد مين يفكر يقتله يا سالم ؟
سالم : علشان كده عاوزك تقفى جنبى 0
سعاد : ومن امتى يا سالم رفضت لك طلب بس ازاى 0
سالم : انا هاخد بتار ابنى 0
سعاد : تاخد بتاره !! هو انت عارف مين اللى قتله ؟
سالم : هعرف وعلشان كده انا عاوزك تشيلى عنى التفكير فيك وانك هتكونى قويه لغاية ما ارجع 0
سعاد : مش عارفه اقولك ايه طول عمرك بتاخد القرار وكلامك يمشى 0 بس المره دى لازم اسألك 000 انت متأكد من اللى هتعمله ؟ متأكد انك انك مش هتخطاطر بنفسك ؟
سالم : انا عامل ترتيبى
سعاد : خايفه اقولك متقلقش عليه 0 خايفه يحصلك حاجه 0 وساعتها مش هسامح نفسى انى محاولتش امنعك 0 واللى جوايا من اللى حصل لابنى بيولع نار وعاوزه اشوف اللى قتله بيدوق العذاب قبل ما يموت 0
سالم : انا عاوزك تصبرى 0 وانا مفيش حاجه هتمنعنى انتقم لابنى 0 لان يا سعاد مينفعش نكمل حياتنا قاعدين جنب بعض نفتكر احمد وكأنه مات فى حادث وننسى اللى قتله 0
سعاد : شوف اللى انت عاوز تعمله ومتقلقش عليه 0
يحتضنها سالم واثقا منها ويتركها وهو يخفى دموعا كانت على وشك الانهمار من عينيه 0
في منزل حمدى دق جرس الباب
=======================================
المشهد ( 9 ) التخطيط
عاد سالم الى ديوانيته حيث انتظره اخيه سعيد واللواء حمدى وولده هشام وابن اخيه على وقف الجميع عند دخوله فأشار لهم بالجلوس 0 وبدأ كلامه بحده
سالم : انا قررت اخد بتار ابنى بنفسى
التفت هشام الى الاخرين مستنكرا تجاهله
هشام : هو اللى انقتل مش اخويا يا والدى
سالم : انت عاوز تروح فين يا هشام انا رايح ادور عن حاجه معرفهاش ومعرفش اللى قتله حد نوعه ايه 0
هشام : يعنى تخاطر بنفسك وانا موجود ليه انت شايفنى ضعيف يا والدى 0
يتدخل حمدى فى الحوار
حمدى : استنى يا هشام لما ابوك يكمل 0
يتدخل على ايضا مستنكرا
على : ما هو صحيح كلام هشام يا عمى احنا موجودين وانت تخاطر بنفسك فى اتجاه مش عارفين خطورته ايه 0
بعد صمت من سالم تشتد نبرة سالم حده
سالم : احنا فى حماس شباب ولا موضوع مثير بنتكلم فيه وخلاص 0 انا بتكلم معاكم علشان لازم ارتب هنا الاول يعنى احمى ظهرى واطمن 0 ودوركم موجود بس كله يبقى من خلالى اى تصرف فردى حتى لو تفكير مش عاوزه وده كلام نهائى 0
سعيد : شوف انت عاوزنا نعمل ايه واحنا معاك 0
سالم : يا هشام يا بنى انت لازم تكون فى مكانك مش عاوز اى تغيير
هشام : يعنى اقف اتفرج يا والدى ده هيرضيك 0
سالم : اتاكد يا بنى ان لك دور واهم دور انك تحمى ظهرى 0 وعلشان اجيب اللى قتل اخوك لازم تسمع الكلام 0
على : طب لو موصلناش لحاجه 0
سالم : بالصبر مهما طال هنجيبه 0 ابنى اتقتل واللى قتله فى مكان مش على باله 0
سعيد : طب ما هو ممكن اللى قتله بيراقب ايه اللى هنعمله 0 ويكون اخد حذره 0
حمدى : مين هيراقب اهل اللى قتله انت ناسى ان احمد كان طالب يعنى مش صاحب نفوذ او عنده مشاكل مع حد 0
سالم : وعلشان كده نتصرف بنظام وبتفكير واحد وحمدى بعد شويه هيمشى يرتب للى هنتفق عليه 0
===================================
المشهد ( 10 ) حسن
فتح حمدى الباب ليدخل حسن الزغبي وهو رجل شعبي في لغتة 0 دخل علي استحياء 0اجلسة حمدى وذهب يحضر مظروف ثم عاد الى حسن الذى كان يجلس على استحياء
حمدى : باختصار يا حسن عاوز منك خدمة 0
رد حسن : عيني يا أفندم 0
قال: في نادى اسمة الورود عاوز كارنهين عضوية فية 0
رد حسن بدهشة: معقول يا كبير شيء بسيط كدة0 حالا وانفذ لك اللى انت عاوزه 0
قال حمدى : اسمع يا حسن انا عاوز الكارنهين من غيرما حد يعرف انا مين فاهم 0 دى صورتي وصورة صديق لي ده راجل اعمال كبير قوى اسمه رأفت السعيد 0
قال حسن : مش فاهم معلش ساعدتك فهمنى كويس علشان مغلطش0
قال حمدى : احنا مش عاوزين نشترك بحقيقتنا لظروف هتعرفها بعدين0
حسن: انا تحت امرك 0 بس عندى سؤال حضرتك تشترك ليه0000
يقاطعه حمدى لكى يقصر عليه التفكير
حمدى : انا اخترتك يا حسن علشان اعرفك كويس انت انسان جدع وعمرك ما تخون وانا فى مهمه وعاوزك معايا فيها 0
حسن : انا فداك يا حمدى باشا 0
حمدى : لما تروح تعمل الاشتراك لازم تكون فى مظهر راقى وسيارتك ورجالتك عاوزهم معانا حراسه فاهمنى طبعا 0
حسن : اكيد يا فندم
حمدى : اسلوبك فى الحوار يكون بتاع ناس كبار والناس اللى هتجيبهم معاك تختارهم كويس قوى وتفهمهم انهم هيشتغلوا مع رجل اعمال كبير يكونوا على استعداد يضحوا بنفسهم علشانه 0 ومهما طلبوا متبخلش بس يكونوا رجاله بجد 0 وكمان متنساش السيارات ونوعها تعمل حساب سيارة الراجل المهم اللى معانا وسيارة الحراسه 0
حسن : انا هعمل لسعادتك شغل ولا فى الافلام 0 يومين وادى سعادتك التمام 000 مش بيقولوها كده يا باشا 0
يبتسم حمدى ويهز راسه بالموافقه 0ويمد يده بالمظروف 0
حمدى :والظرف ده فيه فلوس الاشتراك والاوراق اللازمه ونبقى نتحاسب 0
حسن : متقلقش يا افندم 0
حمدى : شكرا 0يا حسن انا عارف انى اقدر اعتمد عليك وانا في انتظارك 0
===============================
المشهد ( 11 ) هشام يرحل
يخرج هشام ويذهب الي والدتة التي كان يلتف حولها نساء العائلة والاصدقاء 0وما ان رات ولدها هشام نظرت الية في حنان 0
جرى عليها هشام والدموع تغرقة 0 احتضنت ابنها وكانها تقول انت من تبقي لي يا ولدي 0
امسك هشام بيد والدتة وجذبها في رفق يريدها في حوار خاص 0
ودخلا الي غرفة اخرى 0مسح دموعة وبدء يتمالك نفسة
هشام: امي انا خايف عليك ومش قادر امشى وانا قلقان
نظرت الام لابنها في محاولة ان تظهر قوية 0
الام: انا كويسه يبنى بس خلى بالك على نفسك وشغلك 0
هشام : ايوه يا امى متخافيش 0
يقبل يد امه ويتركها تعود وتخرج اليه زوجته ناديه وهى فى المرحلة الاخيره من حملها
ناديه : انت هتمشى يا هشام
هشام : مش عاوزه حاجه
ناديه : هتقعد كتير ؟
هشام : اكيد لا يومين اخلص حاجات متأخره واجى 0 عاوزك تخلى بالك على امى
ناديه : دى امى يا هشام متقلقش وخد بالك من نفسك
يقبل هشام زوجته ويمسح بيده على بطنها الحامل وينصرف متجها الى والده الذى كان جالسا فى المكتب وحده شاردا بذهنه يتطلع للامام بنظرة حاده 0
يستأذن هشام بالدخول معلنا انه جاهز للرحيل 0
هشام : عاوز منى حاجه يا والدى
سالم : لا يبنى ربنا معاك خد بالك على نفسك وذى ما فهمتك
هشام : متقلقش كلامك اوامر
يقبل هشام يد والده فيشده سالم الى حضنه فهو لا يعرف لاى عالم ذاهب تسيل دموع هشام خوفا على والده 0 يمسك سالم برأس ولده يمسح باصابعه دموعه من على وجهه 0
سالم : متخلنيش اقلق 0
هشام : خلاص يا والدى متقلقش خلى بالك على نفسك
يهز سالم رأسه مؤكدا وينصرف الابن الاكبر ذاهبا الى شركاته 0
===========================
المشهد (12 ) الرحيل الى المجهول
بعدما اتم حسن اجراءات الاستعداد لقدوم رجل الاعمال وجهز الحراسه والسيارات وتم استئجار القصر الذى سيعيش فيه سالم وحمدى اعطى التمام الى حمدى الذى توجه فورا بالطائره الى سالم فى البلده 0وكان قد اتصل بسالم لكى يحضر نفسه للسفر 0 وصل حمدى وكان سالم واقفا مع زوجته يتبادل معها حوارا هادئا ومطمئنا لها 0 حضر حمدى وسلم على سالم وزوجته 0 خرجت هدى زوجته من الداخل 0
هدى : حمدى انت جيت
يقبلها حمدى فى جبهتها وياخذها فى حوار جانبى
هدى : فى حاجه حاسه بيها
حمدى : حاجة ايه ؟
هدى : حاجه مش فاهماها 0
حمدى: حبيبتى انا محتاجلك تكونى هنا مع اختك
هدى : انت مسافر
حمدى : لا فى شوية حاجات هخلصها مع سالم بس المهم اطمن عليك
هدى : مش بقولك فى حاجه 0 لكن طالما شغل مفيش مشكله اطمن عليه انا مع اختى لغاية متخلص 0
حمدى : هى دى مراتى حبيبتى اللى بتفهمنى 0
هدى : خبره يا سيادة اللوا
يسلم سالم على زوجته ويقبلها ويقبل جبهة زوجة ابنه 0 ويشير الى حمدى الذى يقبل يد زوجته ويودعها وهو يعدها بالاتصال 0وتم نقل الحقائب الى السيارة وركب الاثنان متجهان الى المطاروكان فى وداعهما سعيد وابنه على 0
===============================
المشهد (13 ) ترتيب خاص
هشام الابن الاكبر يجلس في مكتبة يدخل علية مدير مكتبه سيد 0
هشام : عملت ايه يا سيد؟
سيد: رتبت كل اللى حضرتك طلبته 0
هشام : ابدأ دلوقت ومش عاوز غلط
سيد : اطمن يا هشام بك 0
ينصرف سيد تاركاً هشام ينظر امامة نظرة القلق 0ثم يمسك الهاتف يتحدث لزوجته يطمئن عليها
============================
المشهد ( 14 ) زياره غير متوقعه
وهنا يحضر الحارس يخبر سعيد ان العقيد شوقى يريد مقابلة سالم بك فيأمره بإدخاله 0 يدخل شوقى ويسلم على سعيد 0
سعيد: اتفضل يا سيادة العقيد 0
شوقى : انا اسف يا سيادة النائب بس حبيت اقابل سالم بك 0فى شوية اسئله عاوزلها اجابات 0
سعيد : هو انتوا معرفتوش مين اللى قتله 0
شوقى : يا سيادة النائب الحادثه حصلت فى الفجر ومفيش دليل حتى الان 0
سعيد : والدليل هتلقاه عندنا !
شوقى : انا اسف يا سعيد بيه لكن بس نعرف اذا كان فى اى خلافات مع اى حد على مستوى العائله او على المستوى الشخصى مع احمد وحد تانى 0
سعيد : فى حد بيكره الملايكه يا شوقى بيه
هز شوقى راسه متفهما ما قاله سعيد ثم عاد يسال فى حذر
شوقى : لكن ممكن اقابل سالم بك
سعيد : سالم سافر راح يبعد شويه 0
شوقى : لكن احنا محتاجين للرد على بعض الاسئله 0
سعيد : الاسئلة دى انا اللى هسئلها للوزير لما انسان ينقتل ومحدش يعرف مين اللى قتله يبقى احنا اما فى غابه او فى امريكا 0
شوقى : مش للدرجه دى يا سيادة النائب – احنا مش بنام من البحث 0
سعيد : يبقى الافضل تهتموا بالبحث ومش تضيعوا الوقت فى اسئلة 0
شوقى : على العموم انا اسف للازعاج واذا فى عندكم شك فى اى اتجاه يا ريت اتبلغ بيه 0
سعيد : ده اكيد يا سياد العقيد 0
يستاذن العقيد لينصرف ويسلم على سعيد 0
=================================
المشهد ( 15 ) البدايه
يصل سالم وحمدى الى مطار القاهره ويجدا حسن فى انتظارهما ومعه رجال الحراسه ويستقلا السيارة المرسيدس وورائهما سيارة جيب 0
تصل السيارتان الى قصر كبير فخم يفح الحراس البوابه 0يدخل سالم وحمدى القصر يتبعهما حسن الذى يأمر الرجال بالتفرق فى جنبات القصر . وبالقرب من باب القصر بالداخل يتطلع سالم الى القصر وفخامتة من الداخل ولكن نظراتة صارمة كأنة يطلق تصريحا سريا بان المهمة بدأت .
يجلس سالم ويجلس حمدى ويقترب حسن منهما ويقول
حسن: حمدا للة على السلامة .
حمدى: شكرا يا حسن .كل شيء تمام .
حسن : كلة تمام.
حمدى : اعرفك برأفت بك السعيد 0
حسن : انا تحت امرك يا رأفت باشا 0
حمدى : استعد بكره هنروح النادى .
يقاطع سالم باشارة من يدة .ويقول
سالم : بكره بالليل
حسن: فى اى وقت يا باشا . استريح من السفر واحنا رهن الاشارة 0
يستاذن حسن فى الانصراف . ينظر حمدى الى سالم .
حمدى : ايه رايك .
سالم : تمام .
حمدى : لكن ليه نروح بالليل 0
سالم : الغلط كله بالليل يا حمدى 0
هز حمدى رأسه معجبا برد سالم ثم ينادى على حسن فياتي مسرعا .
حمدى : حسن روح مع رأفت بك لغرفته .
حسن : تحت امرك . اتفضل يا رافت باشا .
يقوم سالم ويسير خلفة حسن الذى يتقدمة باستحياء وعندما يصلا الى الغرفة .
حسن : اتفضل يا رافت باشا .شنط سعادتك فى الغرفة دى 0
سالم : شكرا يا حسن .
قبل ان ينصرف يستوقفة سالم ويقول
سالم : انا فى مهمة محددة واحتاج للمخلصين المهمة دى ممكن تكون فرصة عمرك لترتاح بقية حياتك . اهم شيء عندى الاخلاص .
حسن : لو تعرفني يا باشا لكنت وفرت الكلام ده 0
سالم : حتي لو اعرفك احب اقول الكلام ده لان العالم اللى هندخله بة اغراءات ضخمة وانا عندى اكثر بكثير من الاغراءات دى والاخلاص عندى ملوش ثمن .
حسن : فاهم يا باشا والايام هتثبت لك انى اقوى من اى اغراءات .
سالم : انت والرجاله اللى معاك؟
حسن : احنا كلنا نفديك بارواحنا 0
سالم : شكرا يا حسن تقدر تروح دلوقت وبكره نتقابل 0
يهز حسن راسة وينصرف ويدخل سالم الى غرفتة . ينزل حسن فيجد حمدى مازال جالس يتحدث الى زوجتة بالتليفون يطمئنها ثم ينهى المكالمة ويلتفت الى حسن .
حمدى : حسن انا لازم الفت انتباهك ان رافت بك اهم شيء فى مهمتك معايا 0 انت والرجاله عينكم عليه مش عاوز اخطاء .
حسن : انا فداكم يا باشا 0
حمدى : ده ظنى فيك يا حسن 0 روح انت ورتب امورك وبكره اشوفك 0
==================================
المشهد ( 16 ) زياره استطلاعيه
فى مساء اليوم التالى خرج سالم من غرفته لابساً زيه المدنى 0
الهيبة الطبيعية فى مظهر سالم تجعل اى شخص يقابلة غير قادر على مقاومة الاعجاب بة . استعد الجميع وركبا السيارة وورائهم الحراسة وانطلقت السيارات .
عند بوابة النادى جلس حارسان امن يتحاوران ةعندما اقتربت السيارتان من البوابة وقف الاثنان يستطلعان الامرخرج رجلين من سيارة الحراسة التى تقدمت سيارة رجلى الاعمال رافت وحمدى .يطلع الحارسان على بطاقات العضوية فيسرعان بفتح حاجز العبور للدخول . وهما يلقيان التحية على سالم وحمدى .
تدخل السيارتان وسط نظرات تلاحقهما حتى وقفت السيارتان الحراسة وسيارة سالم وحمدى..
نزل سالم وحمدى يحيطهما الحراس حتى اختارا مكانا للجلوس. ولم تمضى لحظات حتى جاء رجل من داخل المبنى الادارى تقدم بحذر وسط رجال الحراسة حتى وصل الى سالم وحمدى . انحنى يسلم عليهما ويعرفهما بنفسة .
الرجل : فوزى عثمان نائب رئيس النادى . واتشرف بكم فى عضوية النادى .
حسن : حضرته الباشا رأفت السعيد والباشا حمدى سليمان.
فوزى : اتشرفت بيكم يا افندم وانتو مكسب للنادى .
سالم : تفضل يا استاذ فوزى .
حمدى : احنا بنحب الرياضة والعمل الاجتماعى وهتكون لنا جلسات للمشاركة الفعالة معاكم.
هز سالم راسة موافقا على كلام حمدى .
حسن : مش عاوز اقول لك يا استاذ فوزى ان الخير كلة جه للنادى .
فوزي: ده شيء واضح يا فندم .
سالم : انت نائب الرئيس ومين الرئيس .
فوزى : الرئيس هو رجل الاعمال فتحى عثمان اكيد حضرتك تعرفة .
حمدى : استاذ فوزى عاوزين نقدم شيء للنادى . اذا كان عندك تقرير عن انشطتة اللى تحتاج دعم.
فوزى : اى عرض من سيادتكم يعتبر شيء كبير رغم ان فتحى بك رجل سخى جدا . واذا لكم رغبه فى دعم النادى 0 وانا هعرض على مجلس الاداره مقترحاتكم 0ودلوقت اسمحولى اقدم لكم حاجه 0
يشير فوزى لاحد العمال فى الكافبه الذى يأتى مسرعا يلبى طلبات الضيوف فيطلبان قهوه 0 ينصرف العامل 0
سالم : ورئيس النادى موجود
فوزى : هو مسافر هو وبنته وهيرجع بالكتير بكره او بعده 0
يستاذن فوزى ويتركهما معا . يقترب حسن من سالم وينحنى يهمس لة
حسن : على فكرة يا رافت بك فوزى ده شخصية ضعيفة صورة وبس .
سالم: انا عاوزك تلف فى النادى وتعرف لى معلومات عن اعضاءة واى حكاية غريبة .
حسن : تحت امرك .
يستاذن حسن وينصرف ويتحول سالم براسة الى حمدى فى حين جلست الحراسة بالقرب منهما
سالم : الوضع هادئ بشكل ملحوظ مش كده .
حمدى : ده نادى جديد واعضاءه مش كتير 0
وما ان انتهى من كلمتة حتى سمعا صوت سيارة تدخل الى موقف النادى بسرعة وصوت الموسيقى الغربية عالى خارج منها . تقف السيارة الرياضية ويخرج منها شابان ومعهما فتاة ترتدى ملابس خليعه ويلتف حولهم شباب اخرين خرجوا من الصالة الداخلية .
تعلق سالم بنظرة وكان شيئا شده اليهم. نظر الى حمدى الذى بدورة هز راسة ثم قال.
حمدى : دى الحياة العصريه بتاعة الشباب اليومين دول 0
سالم : اهى العصريه دى اللى هتوصلنا 0
حمدى : الصبر 0
سالم: يلا بينا ملوش لازمه القعده كده خلى حسن .
نهض الاثنان فاسرع الحرس أمامهما وهنا التفت كل من في النادى وحتى الشباب تعلقت انظارهما عليهما حتى رحلا .
ترحل السيارتان ويبدا الحوار بين الشباب عن هذان الغريبان.
تهامس الشباب متسائلين من الوافد الجديد اقترب قائد السيارة الرياضية من الفتاة التى تجلس على السيارة واحتضن خصرها وهو ينظر الى المجموعة متسائلا .
ينظر الجميع الى فوزى القادم من الخلف وهو يضحك ضحكتة الساذجة . اقترب من قائد السيارة ووضع يدة على كتفه 0 وبدا على الشاب التضايق من وضع فوزى يده عليه 0 انزل فوزى يده على استحياء 0
فوزى : ايه الاخبار يا كابتن وليد بك 0
وليد : اخبار ايه ؟
فوزى : بابا هيوصل امتى ؟ الاخبار عندك اكيد 0
وليد : انت بتفكرنى بعفريت اسماعيل يسين. كل ما نقول فوزى تظهر. انت بتقعد فى انهى لمبه0
يضحك الجميع ويحاول فوزى التغاضى عن المزاح 0
فوزى : انا عارف انى مش هقدر عليك 0
وليد : طب قولنا مين الناس اللى مشيوا دلوقت 0
فوزى : دول ناس كبار قوى 0
وليد : وزرا يعنى 0
فوزى : لا دول رجال اعمال كبار قوى 0
وليد : وبابا يعرفهم 0
فوزى: ضرورى هيقابلوه
لا يعطى وليد اهتمام لكلام فوزى وينظر الى الفتاة ويقول
وليد : تعالى يا نونو نتجاذب الطراف الحديث .
يعلق احد الشباب اثناء مغادرتهم
قائلا : اوعى اطراف الحديث تبان .
اختفى وليد والفتاة عن المجموعة وبدأ الجميع يتفرق كل اثنين معا .
ويظهر حسن من وراء الضوء الخافت وهو يلتفت اليهم ينتشرون فى ارجاء النادى واركانة المظلمة .
==================================
المشهد ( 16 ) انتظار
يصل سالم وحمدى الى القصر ولكن لا يصعد سالم الى القصر ويتجة الى جلسة فى الحديقة بجوار حمام السباحة فيجلس معه حمدى و ينظر الية . يلتفت سالم الى حمدى
سالم : اذا عاوز تنام روح يا حمدى 0
حمدى : وانت مش هتنام 0
سالم : انا هستنى حسن .
حمدى: أنت هتتعب كده من البدايه 0
سالم : مفيش وقت لازم نكون جاهزين فى اى لحظه 0
حمدى : انا مقدر وعارف ان المهمة دى غريبة عليك يا كبير العائلة .
سالم : فكرتنى .
حمدى : ايه ؟
اخرج سالم جهاز الموبيل واتصل بزوجته يطمئنها ويطمئن عليها 0وبعدما ينتهى ينظر الى حمدى
سالم : عرفت ان العقيد شوقى راح البلد يسألنى وقابله سعيد وعمل اللازم
حمدي: ما هو لازم هتلاقيه بيدور فى كل اتجاه وانا عارف شوقى كويس مش بيهدا واحتمال يوصل لحاجه 0
سالم : دى مهمتك يا سيادة اللوا .
حمدى : انت عاوزنى اعمل ايه؟
سالم : نوصل قبل ما هم يوصلوا 0
حمدى : عاوزنى اخد منهم ونسبقهم 0
سالم : انا عارف ده صعب عليك لكن لازم اللى قتل احمد يكون فى ايدينا قبلهم 0
حمدى : ولما يبقى فى ايدينا هنعمل ايه 0
سالم : عندها يبقى لنا كلام 0
حمدى : يا سالم انت الكبير بس لازم تفهم انى مش عاوز اكتشف ان دورى مخالف للقانون اللى خدمته 0
يرد سالم بحده انت فاهم انى لما امسك اللى قتلوا ابنى واقعد أسألهم انتو قتلتوه ليه وبعدين أسلمهم للقانون 0
حمدى : وانت عاوز ايه ؟
سالم : لما نبقى نوصل نبقى نعرف 0
حمدى : انا مهمتى معاك انى احميك حتى من نفسك 0
سالم : متقلقش يا حمدى بس خلى خلافاتنا مش دلوقت 0
يصل حسن ويسرع اليهما . يطلب سالم منه الجلوس فيجلس .
حسن : اولا رئيس النادى رجل اعمال من كبار المستثمرين وسياستة احتكار اى صناعة تقع فى ايدة . كل الناس تحسب له والواضح انة شخصية قوية .فوزى نائب الرئيس زى ما قلت لسيادتك صورة ووضعة المالى بسيط وهو لا يعطى قرار فى اى شيئ .
والرئيس عنده ولدين وبنت وهى مع والدها فى الخارج ويرجعوا من باريس بكره . وابنه وليد بيعمل اى حاجه فى النادى اما ابنه الاكبر وحيد فهو مسئول عن مصانع والدة .
يتبادل سالم وحمدى النظرات . يكمل حسن كلامة
حسن: والانضباط غير موجود فى النادى . كل شيء بيحصل فى الاركان المظلمة . يعنى لمؤاخذه ده مش نادى رياضى 0 ده اشبه بوكر دعاره 0
يقاطعه حمدى
حمدى: بكره يا حسن عاوزك تعرف تفاصيل اكثر عن رئيس النادى واولادة. واى شئ تانى تحس انه غريب .
سالم : انا افضل ان بلاش يكون شغلك مكشوف وحد يحس باللى بتعمله 0
حسن : بلاش تقلق يا رافت باشا انا مش بتحرك بنفسي ويمكنني اكون معاكم وفي نفس الوقت توصلنا الاخبار اللى عاوزينها 0 وانا حريص قوى حتى اسأل حمدى باشا 0
حمدى: رافت حذر جدا يا حسن ومش عاوزين اى اخطاء .
حسن : الافضل انى استغل قدراتي معاكم فى مواجهة العالم دة .
سالم : مفيش مانع ودلوقت ارتاح وبكره بالليل نروح النادى .
حسن : الافضل اننا بلاش نروح بكره .
حمدى : ليه ؟
حسن : فوزى هيقول للريس عنكم والافضل نخليه عاوز يشوفكم .
سالم : يعنى نشوقه 0
حسن : عليك نور يا رافت باشا
==================================
المشهد ( 17 ) وصول الرئيس
يصل رئيس النادى فتحى وابنته رانيا المطار وفى انتظارة فوزى ورجال حراسة.
كانت ابنتة معة فتاة رقيقة ولكن وجهها باهت وحزين . يركب الجميع السيارات ويجلس فوزى بجوار السائق وفتحى فى المقعد الخلفى مع ابنتة التى تسرح بافكارها عبر نافذة السيارة . يلتفت فوزى الى الرئيس .
فوزى : حمدا لله على السلامه يا باشا .
فتحى : اللة يسلمك . كل شئ تمام 0
فوزى : كل شيء تمام فى النادى والشغل يا باشا 0000000000
يدق جرس موبيل الرئيس كان المتحدث ابنه الكبير وحيد 0
فتحى: اهلا يا وحيد اللة يسلمك انت عامل ايه ؟ كله تمام ؟ واخوك كويس ؟ مش هينعدل الواد ده ابدا 0 طب اشوفك فى البيت 0
يغلق الرئيس الاتصال ويسأل فوزى.
فتحى : وليد فين يا فوزى ؟
يرتبك فوزى لا يعرف بماذا يرد ثم يسرع قائلاً 0
فوزى : نايم يا باشا . تعب كثيرا فى حفلتة امبارح فى النادى .
فتحى : هى الحفلات كده عمال على بطال 0 وانت فين يا نائب على نفسك و بس 0
يخفض فوزى رأسه ويرد بصوت خافت
فوزى : وهو انا اقدر عليه يا باشا 0
هز فتحى راسة ووصلا الى قصرة الفاخر وصعدت ابنتة الى غرفتها . وذهب الرئيس الى المكتب ووراءة فوزى الذى اغلق الباب خلفة .
=============================
المشهد ( 18 ) أخبار وتعليمات
سالم وحمدى يجلسان فى صباح اليوم التالى يتناولان الشاى . يضع حمدى فنجان الشاي ثم يلتفت الى سالم
حمدى : بلاش تشتبه فى الناس بالاحساس يا سالم 0
سالم : مش هسيب حد فى النادى ده بداية من عامل النظافه لاكبر راس 0
حمدى : مهمتنا صعبه ومحتاجه صبر والاستعجال ممكن يوقعنا فى الغلط .
يحضر حسن ويلتفتان الية .
حسن : رئيس النادي وصل هو وبنته . وعلى فكرة هو مش رئيس النادى .
سالم : يعنى ايه ؟
حسن : هو صاحب النادى . كل شيء باسمة .ده طلع على تقيل قوى .
التفت سالم الى حمدى ثم عاد الى حسن
سالم : عاوز اعرف كل حاجه عن بنته دى 0
حسن : فورا يا رافت بك .
ينصرف حسن ويلتفت حمدى الى سالم
حمدى: ودى هيكون لها دخل بموضوعنا ؟
سالم : احنا قلنا ايه 0
حمدى : انت بتفكرنى بالافلام اللى بنشوفها 0
سالم : لا قصدك بالمثل اللى بيقول ابحث عن المرأة وطالما ابنى انقتل مع واحده حامل يبقى أى واحده جوه موضوعنا لازم ندور فى حكايتها
حمدى : والله مانا عارف مين فينا اشتغل فى الشرطه 0
================================
المشهد ( 19 ) عائلة الرئيس
فتحى رئيس النادى يطرق باب غرفة ابنتة فتأذن بالدخول.
فتحى : صباح الخير يا حبيبتي .
ترد والحزن فى عينيها
رانيا: صباح الخير يا بابا .
فتحى : حبيبتي نورا عاوز اتكلم معاك .
رانيا : تفضل يا بابا .
يقترب فتحى من ابنتة ويجلس بجوارها ويمسح على شعرها 0
فتحى : انا عاوزك تنهى الحالة دي وترجعى نفس زمان .
رانيا : زمان يا ريت زمان يرجع .
فتحى : يا بنتى انتى بتخلينى احس انك عجوزه قوى 0 الدنيا ياما بيحصل فيها والحياه بتمر 0
رانيا : بتمر بس ازاى بتمر 0
فتحى : يا بنتى اللى حصل وجعنى ولسه واجعنى لكن الحياة قدامك ولازم تكونى اقوى من كدة.
رانيا : يمكن الوقت ينسينى .
فتحى : الوقت طال قوى وانا كبرت ومحتاج لابتسامتك.
تهز راسها وتضع راسها على صدر والدها .وكانت تمسك بصورة طفل فى يدها 0
ينزل فتحى الى بهو قصرة فيجد ولدة الاكبر وحيد . فيما جلس وليد ابنة الاخر يحادث احدهم فى التليفون يلقي بنظرة عدم الرضا على وليد ويتجة الى ولدة وحيد الذى يقف يحتضن والدة .
فتحى : اقعد يا وحيد عملت اية فى فصل اعمالنا عن علاء وابوة .
وحيد : الموضوع دة يا بابا مش بسيط .
يقاطعة فتحى صارخا .
فتحى: بسيط كبير معقد مهما كان انا مش عاوز حاجة تربطني بالناس دى .
وحيد : حاول تهدأ يا بابا .الشغل مش كدة وانا اؤكد لك انة بعد العمليتين المشاركين معانا فيهم ما ينتهوا مش هتشوفهم .
فتحى : المهم تنهى باسرع ما يكون .
وحيد : حاضر يا بابا .
فتحى يلتفت الى وليدالذى كان جالسا غير مهتما ثم صرخ فية فجعلة ينتفض واقفا ولكن متململا
فتحى : تعالى هنا يا فاشل .
يقترب وليد وهو متضايق
فتحى : انت مش هتنفع ابدا .
وليد: لية يا بابا .
فتحى : ولا حاجة نافع فيها وبعدين.
وليد : وانت طلبت حاجه يا والدى .
فتحى: اذا ماتعدلتش هرميك فى الشارع 0
وليد : انا تحت امرك فى البيت وفى الشارع يا زعيم .
فتحى : مفيش فايده . وحيد خد الكائن ده معاك وخلية يعمل اى حاجه فى المؤسسة ولو كانت قهوه وشاى 0
وليد : أشربهم 0
فتحى : لا تعملهم 0
يضحك وحيد ويخفى فتحي ابتسامتة ويخرج ويترك وحيد الذى يجذب وليد من يده وياخذه معه
=====================================
المشهد ( 20 ) زيارة صديق
سعيد يجلس فى ديوانية القصرفى البلده مع شاب جاء يقدم العزاء فى احمد .
سعيد : انت يا تامر يا بني كنت زميل احمد و صديقه مش كده .
تامر : ايوة يا حج انا واللة الدنيا بتلف بي ومش قادر اصدق ان احمد اللى الخير كله جواه يحصله ده .
سعيد : وانت مكنتش حاسس بحاجه غريبه فى الايام الاخيره .
تامر : احمد كان عاوز يجمع كل اولاد وبنات الشوارع ويعمل لهم مشروع ومجمع سكني .
سعيد : اللة يرحمة .كان بيهتم بهموم الناس 0
تامر : انا كنت بقوله دايما لو انت بتحكم مدينه هتبقى اسعد مدينه 0
سعيد : احمد مقلش لك على حاجه شاغلاه .
تامر : احمد كان فى مشكلة مع واحد0
سعيد: مشكلة اية ؟
فى تردد يكمل
تامر : معرفش تفاصيل لكن كل اللى عرفته فى يوم كنت معاه فى البيت واتصل عليه واحد صوته كان واضح من الموبايل وسمعته بيهدد احمد وبيقوله اذا مطلعتش بره الموضوع ده مش هتلقى نفسك .
سعيد : واحمد مقلش اسمه .
تامر : لا بس رد عليه وقاله انا اللى هخليك تعرف نفسك كويس وقفل الخط .
سعيد : طب بعد ما قفل انت معرفتش منه فى ايه ؟
تامر : لا يا عمى انا سألته لكن هو قالى ده موضوع حساس شويه ولما ينحل هيقلى .
سعيد : وانت محستش بأى حاجه ؟
تامر : من الكلام اللى حصل حسيت ان الموضوع فى واحده بس مين معرفش 0
سعيد: انت تعرف حاجه عن نادى الورود ؟
تامر : انا واحمد مشتركين فى نادى الجزيرة واحمد قال لى ان عضوية نادى الورد كانت هدية من زميل لنا فى الجامعة .
سعيد : واسمة اية زميلكم دة.
تامر : ده يبقي ابن صاحب نادى الورد واسمة وليد0.
سعيد : يا بنى انا متشكر على تعبك وجيتك 0
نامر : لا يا عمى احمد كان اعز صاحب ليه 0
ويستاذن تامر ويتبعة سعيد وقبل ان يركب سيارتة يستوقفة سعيد ليسالة.
سعيد : معلش يا ابني سؤال اخير .
تامر : اتفضل يا عمي .
سعيد : وليد ده صديق لاحمد ؟
تامر : لا يا عمي علاقتهم سطحية ولكن العضوية دى كانت من مجموعة وزعها وليد فى الجامعة على ناس معينين واحمد كان رئيس الاتحاد ومعروف جدا للجميع .
سعيد : معلش يا بنى فى حاجه عاوز اقولهالك
تامر : تحت امرك 0
سعيد : انت اتكلمت مع حد فى الحكايه دى 0
تامر : لا يا حج 0
سعيد : ولا البوليس ؟
تامر : انا كنت مسافر ولسه جاى ومحدش سألنى
سعيد : طب يا ابنى احنا ناس صعايده ولنا وضعنا وكلام زى ده ممكن يسئ لنا ولاحمد فبلاش تعطى التفاصيل دى لاى حد ولا البوليس 0 احنا مش عاوزين فضايح 0 اذا كان احمد عزيز عليك 0
تامر : اطمن يا عمى انا مش ممكن اكون سبب فى متاعب خاصة لانسان عزيز عندى زى احمد 0
سعيد : شكرا يا ابني .
تامر : البقية فى حياتكم يا عمى .مع السلامة .
=============================
المشهد ( 21 ) اجتماع النادى
يصل فتحى رئيس النادى الى مقر النادى وتتبعه سيارة حراسه . وينزل من السيارة وفى انتظاره--- فوزى النائب الذى يرحب بة فى تكلف واضح .
فتحى: ايه الاخبار يا فوزى .
فوزى : كله تمام يا ريس والاعضاء فى انتظار حضرتك .
يدخل الاثنان الى غرفة الاجتماعات حيث كان يجلس اعضاء المجلس الذين وقفوا يرحبون بالرئيس ويسلمون عليه .يجلس فتحي وبعدة يجلس الجميع وعلى يمينة يجلس فوزى
فتحى :احنا عاوزين نعمل حاجة كبيرة في النادى ده انا مش عاوز سلبية فى التواجد الرياضى .
فوزى : احنا امامنا اكثر من مقترح .
فتحى : اشرح.
فوزى : طبعا معروف ان كرة القدم هى اللى بترفع اسم النادى والاقتراح اننا نهتم باللعبة علشان ننافس ونتواجد ويزيد الاعضاء .
فنحى : وايه المانع ننفذ .
فوزى : احنا بنعتمد على ناشئين ولازم نشترى.
فتحى : اى طريقة مفيش عندي مانع .
احد الاعضاء : لكن يا ريس الشراء يعنى مبالغ كبيرة والعائد منها فى هذة المرحلة قد يكون غير موجود .
فتحى : يعنى ايه انا مش بفهم فى الكوره دى ؟
فوزى : كل الاندية بتعمل مشاركة من الاعضاء رجال الاعمال للمساهمة فى شراء اللاعبين .
حدثت الهمهمات المستنكره من الاعضاء الجالسين خوفا من مطالبتهم بالدفع 0
فتحى : يعنى انت فاكر ان عندنا حد يدفع يا ذكى 0شوف الحكايه دى تتكلف كام وانا هدبر الفلوس اللازمه 0
فوزى : دعم سيادتكوالدخول فى المنافسة هيكون مكلف لاننا قدامنا الملعب اللى عاوز تجهيز ودة مكلف جدا على سيادتك لوحدك 0
فتحى : انت بتتكلم فى موضوع وتحطلى مشكله ومفيش فى مخك حل لها 0
فوزى : احنا عندنااعضاء جداد رجال اعمال كبار وهما اللى عرضوا مش انا 0
عضو : وفين دول ؟
نظر له فتحى باستنكار لسؤاله ثم نظر الى فوزى ليفسر 0
فوزى : هما جم من يومين ويمكن يجوا النهارده
فتحى : هاتلى اوراق عضويتهم اشوفها وانتو يا ساده اتفضلوا 0
فوزى : اهى يا ريس انا مجهز كل حاجه 0
======================
المشهد (22 ) أول الخيط
سالم فى غرفة مكتبه فى القصر يستمع الى سعيد وما جرى مع تامر صديق احمد وسالم يدون اللى قاله سعيد 0حتى انتهى وسأله سالم
سالم : هل شك فى انك انا .
سعيد : لا طبعا انت عارف . وكان عندى خبر من اول ما دخل بسيارتة زمام البلد .
سالم : طيب خد بالك وكمل اللى اتفقنا علية . مع السلامة .
يدخل حمدى و ينظر الى سالم الذى يعيد قراءة ما كتب يصمت حتى ينظر الى حمدى .
سالم : دلوقت عندنا اسماء واشخاص .
يمد يده بالورقة الى حمدى الذى يتناولها ويقراها.
حمدى: يعنى كده احنا فى المكان الصحيح .
سالم : دلوقتى لازم نعرف الشخص ده مين والست العاملة فى النادى وبنتها فين.
حمدى : كده احنا مهمتنا بدات تكون واضحة اكثر .لكن المعلومات دى ممكن تكون عند البوليس وفى الحالة دى ممكن يعرفوا احنا بنعمل ايه .
سالم : لا الولد بيقول انه لسه راجع من السفر واكد عليه سعيد انه ميجبش سيره 0
ياتى حسن مسرعا متجها اليهم .وكان يبدو عليه الاهتمام الشديد 0
سالم : اتاخرت لية يا حسن .
حسن : انا كنت عاوز يكون معايا اخبار مفيده .
حمدى : وفى اخبار مفيده.
حسن : قصص وحكايات يا باشا .
سالم : اتكلم يا حسن .
حسن : طبعا عارفين ان فتحى صاحب النادى بيتاجر فى كل حاجة وخاصة السلاح . وابنته كانت متجوزه من ابن شريك لة وانفصلت عنه0والطلاق كان بعد حادثة مأساوية جدا لان زوجها ابن شريك ابوها كان سكران وركب عربيته وهو داخل بالعربيه البيت صدم ابنه الصغير ثلاثة سنوات ومات وانهارت رانيا بنت فتحى ومقدرتش تبقى لحظة مع جوزها واضطر ابوها للسفر بيها بعد الطلاق علشان تتعالج نفسيا فى الخارج .
سالم: واولادة عرفت اية عنهم .
حسن : وحيد الكبير ويدير اعمال والدة كلها . ووليد الصغير بيعيش حياتة وبيدرس في الجامعة الامريكية غير ملتزم صايع وابوة مش راضي عن تصرفاتة او طريقة حياتة .
حمدى : لكن يا حسن دى حاجات مش غريبة او تلفت الانتباة.كل بيت فية احداث ومشاكل جواز وطلاق عيال كويسة وعيال طايشة .
حسن : ماهو يا باشا انا بجمع اى معلومات .
يقاطع سالم وينظر الى حمدى ثم ينظر الى حسن
سالم : حسن بيعمل اللى علية فى حدود اللى عندة واظن انة مظلوم فى المهمة دى لانة مش عارف بيدور على اية .
حسن : صح يا رأفت باشا وانا كنت خايف اسأل عن تفاصيل احسن تضايقو منى 0
سالم : لا يا حسن انت من حقك تعرف واوعدك اعطيك تفاصيل بعدين . المهم دلوقت فى شيء تانى تبحث عنة .
حسن: انا تحت امرك.
سالم : فيه واحده بتشتغل فى النادى .
حسن : بتشتغل ايه ؟
يكمل حمدى : دى عاملة نظافه وعندها بنت شابه كل اللى عاوزينه معلومات عن الست دى واى شيء حصل معاها فى الفترة الاخيره .
حسن : ده شيء سهل .
سالم : لا يا حسن مش سهل خليك حريص وانت بتدور عن اى معلومه عن الست دى .
حسن : طب افهم
سالم : انت بس اعرف أى أخبار عنها 0
===============================
المشهد ( 23 ) لقاء أمنى
فى صباح اليوم التالى حمدى يجلس فى مكتب العقيد شوقى .
حمدى : يعنى معرفتوش حاجه لسه 0
شوقى : حضرتك عارف ان الحادث محدش شافه لكن احنا مش ساكتين 0
حمدى : وما عرفتوش حاجة من اصحابة فى الجامعة .
شوقى : كل اللى قدرنا الوصول لة هوية البنت اللى كانت مع احمد فى السيارة .
حمدى : وطلعت مين .
شوقى : دى بنت كانت بتشتغل مع امها فى نادى جديد . بس فى حاجه كمان مش عارف اقولهالك ازاى0
حمدى : قول يا شوقى 0 فى ايه؟
شوقى : البنت كانت حامل فى شهرين 0
حمدى : حامل !!! هى كانت متجوزه
شوقى : لا وده معرفش تفسيره ايه ؟ لكن الاحتمالات كلها موجوده 0
حمدى : وامها تعرف حاجه عن ده 0
شوقى : لا كل اللى قالتة وتكررة (خلاص اللى راح راح سيبونى اربى عيالى ).
حمدى : هى عندها اولاد غير البنت دى .
شوقى : نعم بنتين فى الثانوية وولد فى الابتدائي .
حمدى : وابوهم .
شوقى : مات من خمس سنوات ومكنش موظف لكن كان بيشتغل فى المعمار "نقاش"ومات نتيجة سقوطه من بلكونة فى الدور الخامس وهو بيشتغل فى سقف البلكونة .
حمدى : والست دى كانت بتشتغل فى النادى ده قبل ما يموت .
شوقى : لا ولكن بعد موت جوزها اضطرت للشغل هى وبنتها نجوى .
حمدى : طب اية اللى جاب البنت دى مع احمد فى السيارة .
شوقى : دى الحلقة المفقودة عندنا لكن البحث جارى .
حمدى : اشكرك يا شوقى انا عارف انى اخذت من وقتك .
شوقى : احنا تلاميذك يا حمدى باشا ومتقلقش انا معنديش شغل فى بالى غير القضية دى وطمن سالم بك . بس ممكن سؤال
حمدى : تفضل
شوقى : هو ممكن يكون فى علاقه بين احمد والبنت دى
انفعل حمدى من السؤال ورد بثقة
حمدى : لو كنت عرفته مكنتش سألت 0
شوقى : أسف يا فندم بس انت عارف شغلنا 0
حمدى : انا عارف يا شوقى واسيبك دلوقت وهنكون على اتصال .
شوقى : ويا ريت يا افندم اى معلومات نتبادلها .
ينظر لة حمدى نظرة لها معنى وكأنة يشعر بان شوقى على دراية بشيء ثم يرد.
حمدى : اكيد اكيد . مع السلامة .
===========================
المشهد (24 ) حقيقة فوزى
فوزى يجلس مع احد الاعضاء فى المكتب .
فوزى : يا شريف احنا مش عاوزين مشاكل . النادى ده مش حكومه يا حبيبي ده له صاحب
شريف : لكن يا فوزى الانحلال فى النادى محدش يرضى بيه 0
فوزى : شريف انا مش عاوز كلام كثير ممكن يوصل للريس خلينا كده حلوين .
شريف: لكن هو لازم يعرف .
فوزى : واذا عرف وقال لنا مع السلامة هتقول له حاجه. فكر كويس .
شريف : انا مقدرش اشتغل فى مكان المفروض انه نادى مش وكر دعاره .
فوزى : شريف حاسب على كلامك.
شريف : بقولك ايه انا مستقيل لان الظاهر انك مش مضبوط.
فوزى : انت اتجننت .
شريف : لا ده انت اللى راجل قواد.
فوزى : يا سافل اطلع برة النادى واياك تقترب منة .
يخرج شريف ويترك فوزى فى حالة هياج كبيرة.يتصل على الامن .
فوزى : شريف المنياوى اذا قرب من بوابة النادى اضربوة بالجزمة.
الامن : هو خرج دلوقت يا فندم .
فوزى : يا حمار اذا رجع تانى ميدخلش 0
الامن : مفهوم يا افندم .
============================
المشهد ( 25 ) علاء
فتحى فى حديقة بيتة يجلس مع ابنتة يتناولان الشاى بعد الافطار0 يأتي احد حراسه ويميل عليه ويهمس له بشيء فتتغير ملامحة ويقف غاضبا .
تنظر الية ابنتة فى تساؤل .
رانيا : فى حاجة يا بابا .
فتحى : لا يا بنتي حاجه فى الشغل وراجع بسرعه .
يمشي مع حارسة فى اتجاة بوابة القصر . وهناك خارج البوابة كان زوج ابنته السابق علاء واقف بجوار البوابة وكان غاضبا ايضا .
علاء : ليه كدة يا عمى رجالتك يمنعونى اقابلك واقف هنا عند البوابه.
فتحي : انت عاوز ايه .
علاء : عاوز اتكلم مع رانيا .
فتحى : انت اتجننت . تعرف اذا ما مشيت هدفنك هنا .
علاء : بلاش كده يا عمى .
فتحى : انا مش عاوز كلام كتير روح خلص كل ما ليك انت وابوك معانا . واقعد مع وحيد.
علاء : يا عمي .
ينصرف فتحى ويرحل علاء ويعود فتحى الى ابنته .
رانيا: فى ايه يا بابا .
فتحى : لا يا حبيبتى مفيش .
رانيا : انت متضايق كده ليه .
فتحى : شوية شغل مش عارفين يخلصوهم الاغبيا .
انصرف علاء متجها الى وحيد وهو غاضب مما فعله فتحى 0 يصل الى مكتب وحيد وتدخل السكرتيره لابلاغ وحيد بوجود علاء بالخارج ولكن علاء تبعها الى الداخل وهو غاضب 0
علاء : هو ايه ده من امتى بندخل على بعض بالسكرتيره يا وحيد بيه .
وحيد : روحى انتى 0000 فى ايه ايه يا علاء
علاء : عمى كان عاوز يقتلنى على بوابة البيت .
وحيد : انت اتجننت ومش بتتعلم . فى حد يا مجنون يروح من غير ترتيب كده وخلاص 0 ثانيا رانيا لسه راجعه من علاج 0 انت ليه مقلتش قبل ما تعمل كده 0
علاء : يا ناس هو الولد اللى مات ده مش ابنى .
وحيد : بلاش نتكلم فى الموضوع ده 0
علاء : يعنى مفيش فايدة .
وحيد : مع الوقت الامور بتتصلح.
علاء : واية الموضوع اللى عمى فتحى بيقول اقعد معاك فية .
وحيد : والدى مصمم ينهى اى عمل بينا.
علاء : نعم وهو ده ممكن .
وحيد: انا قلت الوقت هو الحل للتوتر الموجود دلوقت.
علاء : شوف يا وحيد لو الموضوع ده طول كده انا هتصرف بطريقتي .
وحيد : انا قلت انك اتجننت .
علاء : يعنى ايه؟
وحيد : انت لسة معرفتش ابويا كويس ده ممكن يولعها حرب وبلاش الكلام ده لانه مش فى مصلحتك .
علاء : يعنى اعمل ايه ؟علشان غلطت وخسرت ابنى اتعاقب بالشكل ده 0
وحيد : علشان تدور على الحل لازم تظهر حزنك وتعبك مش الجنون اللى بتعمله ده 0
علاء : يعنى اربى لحيتى واقعد فى البيت واتجنن .
وحيد : بقول لك اية اظاهر انى هكون فى صفهم عليك وانفذ كلام ابويا .
علاء : اوعدنى يا وحيد انك تتوسط وتصلح بينى وبين رانيا .
وحيد : خلينا فى الشغل وهشوف هعمل ايه مع رانيا 0.
علاء: ماشي .
وحيد : انا قدامى الصفقه الجديده 0
علاء : صفقة الصومال دى صفقة العمر يا زعيم 0
وحيد : ايوه بس0
علاء : بس ايه ؟
وحيد : جنان يا صاحبى جنان 0
علاء : بقولك ايه هى مش زى بورندى والسودان وغيرها 0 ثانيا احنا بس وسيط المره دى 0
وحيد : بس ازاى يتنفذ يااااااااااا مجنون 0
علاء : انا هقولك 0
=========================================
المشهد ( 26 ) الصدمه
سالم يجلس فى مكتبة ممسكا بالقلم يخطط بعض الدوائر ويدق بالقلم على الدوائر الفارغه 0 يدخل علية حمدى .
سالم : كنت فين .
حمدى : فى مديرية الامن .
سالم : عرفت حاجه .
حمدى : البنت اللى كانت مع احمد وماتت كانت حامل وهى نفسها بنت الست الشغالة فى النادى .
سالم : حامل ؟
حمدى : مش متجوزه 0
سالم : حامل ومش متجوزه مع ابنى احمد 0 اكيد فى حاجه فاتتنى 0
حمدى : احمد مش ممكن يكون هو اللى 00000000000 .
سالم : اكيد لا 0 الموضوع له علاقه بالولد التانى اللى قال عليه صاحب احمد 0 ده اكيد اه اكيد 0 ابنى مش بتاع كلام وسخ زى كده .
حمدى : ده مفهوم ان البنت لها علاقة باللى قتلوا احمد.
سالم : وامها ست غلبانه يعنى مش معقول تكون لها يد فى قتل ابنى 0
حمدى : كل شئ جايز يا سالم 0
سالم : هو ايه اللى جايز ؟
حمدى : يعنى ممكن الست عرفت 0 وجابت اللى يقتلهم هما الاتنين 0
سالم : احتمال ضعيف 0 اولا لان ابنى مش ممكن يكون له علاقه بحمل البنت دى 0 وثانيا علشان فى زمانا ده الغلابه ملهمش فى الانتقام 0 الغلابه لهم القانون 0
حمدى : طب امها لما عرفت ان بنتها حامل متكلمتش ليه 0 .
سالم : ممكن تكون خايفه على عيالها 0 او حد مهددها متتكلمش 0
حمدى : كله ممكن واذا كان عندها حاجه تفيدنا يبقى لازم نديها الامان 0
سالم : ده هنفكر فيه بعدين 0على فكرة استعد النهاردة نروح النادى .
يهز حمدى راسة بالموافقة .
==============================
المشهد ( 27 ) وليد
وليد الابن الاصغر لفتحى رئيس النادىفى غرفتة بالمنزل يتحدث لصديقته عبر الانترنت.
وليد : دا انتي صاروخ يا بنتي وخسارة انك شيء مش ملموس.
البنت اللى يظهر وجهها وجزء من جسمها فى كاميرا الكمبيوتر ترد علية.
البنت : لا يا حبيبي كده احسن معاك يا ابليس 0
وليد : طيب ما تيجى نتقابل وتشوفى انى مش ابليس 0 انا بس هجيبه معايا .
البنت : مين ده اللى هتجيبه معاك ؟ .
وليد : ابليس .
البنت : وانت عاوز تقابلنى ليه ؟ .
وليد : علشان تعدى مرحلة النت دى 0 تعالى شوفى العالم بتاعى .
البنت : العالم بتاعك مش بتاعى .
وليد : على فكرة انا مش بحب قصص العيال دى.
البنت : ولما انت مش محتاج بنات عاوز تقابلني ليه؟
وليد : انا الملجأ يا بنتي .
البنت : طيب يا عم الملجأ هو حد قلك انى يتيمه ولا مرميه على باب جامع .
وليد : شوفى كلامى مباشر هتيجى ولا لأ .
البنت : توعدنى انك تكون محترم معايا.
وليد : قابليني وانتى تعرفى.
البنت : فين ؟
وليد: تعالى النادى بتاعنا .
البنت : انتو عندكو نادى كمان !!
وليد : احنا عندنا دنيا. شوفى انا هنتظرك فى نادى الورود.
البنت : ده نادى جديد ؟
وليد : عارفاه0
البنت : اه .
وليد : النهاردة الساعة 9 ماشي .
البنت : ماشي .
وليد : هانتظرك ولما تيجي عند بوابة النادى قوليلهم عاوزه وليد.
البنت : بس كده .
وليد : دى عضويتك يا حلوه.
البنت : والله انا خايفه من العضويه دى 0
وليد : دى دنيتك الجديده
البنت : طيب باى .
يغلق وليد الكمبيوتر ويدق الموبايل الموجود على فراشه يلتقطه وليد وينظر للرقم مستنكرا الرقم لا يعرفه لكنه يرد
وليد : نعم .
فتاة : وليد انا نورا.
وليد : نورا مين .
نورا : وليد انت نسيتني .
يفكر وليد قليلا ثم يتذكر ويكتم صوته يخشى ان يصدر منه صوت ثم يجمع شجاعته ويرد 0
وليد : انتى فين يا هانم 0 اختفيت ولا حد عارفلك سكه 0
نورا : عاوزه اشوفك .
وليد : معلش انا مش فاضي دلوقت .
نورا : يعني خلاص اللى انت عاوزه اخذته .
وليد: اخدت ايه يا قطه . اللى انا اخدته غيرى اخده قبلى .
نورا : انا قلت لك انى كنت متجوزه وانفصلت .
وليد : حبيبتى انتي مخسرتيش حاجة ودى كانت تجربة واتعلمى منها .
نورا : يعني كنت بتتسلي .
وليد : انا وانت كنا بنتسلي وموضوع انك متجوزه ده ممكن تقوليه لحد بعدى .
نورا : بس انا مش من اياهم 0
وليد : شوفى يا حبيبتى انا مش بتجوز بس اذا عاوزه تعيشيلك يومين معايا انا تحت امرك ومش هحرمك من حاجه 0
نورا : يعنى عاوزنى من غير جواز 0
وليد : يا مدام احنا عرفنا بعض من الفيس بوك واذا انتى مش عاجبك غيرى كتير على البال توك 0
تغلق الخط ويلقى وليد التليفون على الفراش ثم يدخل الحمام ليستحم .
===========================
المشهد ( 28 ) محاوله ناجحه
رانيا ابنة فتحى لا تزال فى حزنها على طفلها 0 تغلق على نفسها غرفتها تشاهد مقاطع الفيديو المسجله لابنها الراحل وكلما جاء مشهد لزوجها مع ابنها تحذفها 0 دموعها لا تجف 0
فتحى يطرق الباب ويستأذنها فى الدخول لتفتح 0 تسرع بأغلاق الفيديو وتفتح لوالدها 0
فتحى : رانيا حبيبتي انا رايح النادى تعالى معايا .
رانيا : بابا خليني شويه .
فتحى : حبيبتي انا منتظرك فى المكتب ومصمم انك تخرجى معايا والا انتى عاوزه تخلينى اموت بالحزن اللى فيك.
رانيا : لا يا بابا حاضر انا جايه معاك .
يبتسم فتحى ويقبل ابنتة فى راسها ويتركها تلبس .
ينزل وليد متجها الى الخارج ذاهبا الى النادى فينادى علية والده فيذهب اليه فى المكتب .
فتحى : انت رايح النادي .
وليد : اه يا بابا عاوز حاجه .
فتحى : لا انا واختك رايحين .
وليد : و الله صحيح ده حلو قوى 0
فتحى : عاوز لما نوصل تحاول تعمل اى حاجه تشغل اختك وتنسيها الهم اللى هي فيه .
وليد : حاضر يا بابا. انا هعملها اراجوز علشان خاطرك وخاطرها 0
ينصرف وليد ويبقي فتحى منتظرا ابنته.
================================
المشهد ( 29 ) زيارة الابن الاكبر
هشام يصل البلد تحتضنه الام ثم يحتضن زوجته 0ويسلم على هدى زوجه عمه حمدى ويجلس الجميع .
سعاد: وانت عامل ايه يا ابني .
هشام : الحمد لله يا امي كله تمام .
هدى :اطمنت على ابوك وعمك .
هشام : متخافيش يا خالتى انا مش ممكن اخلى حاجه تحصلهم 0
نادية : وانت بتشوفهم .
هشام : هما بخير ومش عاوزكم تقلقوا 0 كمان الوالد محتج يريح أعصابه 0
سعاد : ربنا يطمنك يا ابني .
يدخل سعيد ويسلم على هشام
سعيد: تعالى يا هشام عاوزك.
هشام : حاضر يا عمى .
يدخل الاثنان الى المكتب ويجلس هشام بعد ان يجلس عمة سعيد
سعيد : يا هشام يا ابني والدك مش عاوز يقلق عليك .
هشام : لية يا عمي حصل حاجه .
سعيد : ابوك عارف انك بتتدخل 0
هشام : عمى اى حد بيفتكر اني هافضل اتفرج من بعيد واسكت او انتظر لى دور فى اللى بيحصل يبقي بيكدب على نفسه . ده والدى واللى مات ده اخويا احب الناس لقلبي واستبعادى يبقى وهم 0
سعيد: ا ابني انا عارف لكن مش عاوزين يحصل اى خطأ نتيجة انك بتشتغل فى شيء احنا منعرفهوش.
هشام : يبقى لازم اكون معاكم مش بعيد 0
سعيد : طيب انا هنظم معاك شغلنا وتقولى انت بتعمل ايه واحنا بنعمل ايه .
هشام : حاضر يا عمي .
المشهد ( 30 ) اللقاء والاعجاب
يصل سالم وحمدى الى النادى وكان فوزى فى انتظار نزولهما من السيارة .
فوزى : اهلا رافت بك اهلا حمدى بك .
سالم : اهلا يا استاذ فوزى .
حمدى : الجو النهارده حلو يا فوزى .
فوزى : الجو ميقدرش يكون وحش معاكم يا افندم وعلى فكره كنا بانتظاركم امبارح لكن سيادتكو بقه ما جيتوش 0
سالم : كان فيه شوية شغل .
فوزى : الله يكون فى العون يا فندم . فتحى بك رئيس النادى فى مكتبة وهو فى انتظار سعادتكم
يتجة سالم وحمدى وفوزى ويشير حمدى لرجال الحراسة بالانتظارفى حديقة النادى .
ويدخلان على فتحى فى مكتبة الذى يقف منبهرا بوقار وهيبة سالم وبريق شخصية حمدى .
فتحى : اهلا وسهلا رأفت بك اهلا وسهلا محمود بك .
يجلس الجميع ويظل فوزى واقفا . ينظر فتحى الى فوزى.
فتحى : فوزى ابعت لنا عليوه وروح انت خلص اللى قلت لك عليه .
ينصرف فوزى متململا كأنه كان يرغب حضور اللقاء .
حمدى : جميل النادى بتاعك يا فتحي بك .
فتحى : ده محاوله بسيطه 0
سالم : واضح اهتمامك واضح انك بتصرف كثير عليه .
فتحى: انا عملته بمزاج 0
سالم : واحنا مستعدين نساعدك
فتحي : ده شرف كبير لى يا رأفت بك 0 ولو فيه تسرع منى بالسؤال هو البزنس نتاعو فى ايه
سالم : احنا كل اعمالنا فى اوروبا وجيت انقل بعض أعمالى لمصر 0
فتحى : ده تفكير فى الوقت المناسب . البلد انفتحت اكثر وممكن الشغل هنا يكون مفيد كتير .
سالم : احنا مش بننظر للكتير لانه موجود ولكن بننظر للتواجد الايجابى مش اى تواجد اكيد سيادتك فاهمنى ؟ .
يدخل العامل عليوه ويسأل ماذا يطلبون
فتحى : تحبوا تشربوا ايه ؟
سالم : قهوة مضبوط .
حمدى: قهوة مضبوط.
فتحى : خلاص يا عليوه اعمل ثلاثة مضبوط الظاهر ان ده اللى بيسموة اللقاء المضبوط.
يضحك الجميع .
فى حديقة النادى تجلس رانيا تسرح وتتذكر ابنها الصغير ودموع على وشك السقوط من عينيها
يأتي اليها وليد اخوها ممازحا .
وليد : الحلوة دى قاعدة لوحدها لية .
رانيا : خليني وحدى يا وليد لو سمحت .
وليد : يا اختي يا حبيبتي الحياة تجارب ولو عند كل وحد ازمه ويعمل اللى انتى بتعمليه يبقى يموت احسن .
رانيا : يكون احسن .
وليد : لا يا حبيبتي دى سلبيه .
رانيا : انت خسرت اية علشان تحكم على تصرفات الناس .
وليد : لازم اكون مستعد نفسيا لحدوث اى شيء علشان اقدر اتحمله ولو فاكره انى مطمئن لحالى تبقي غلطانة انا حاسس اني فى انتظار مصيبه.
رانيا : اكيد مصيبه من بنت من اياهم اللى ضايع معاهم .
وليد: من بنت من ولد المهم اكون قادر على المواجهه والا هنكسر ومش هقوم تانى .
رانيا : دى اول مرة احس ان فيك عقل 0
وليد : لا يا ستي انا مجنون وهدومى مش مغسوله .
تضحك رانيا من كلامه
وليد : ايوة كدة طلع النهار .
تزيد رانيا فى ضحكتها
فى مكتب فتحى لا يزال الحوار
فتحى : بس على فكرة يا حمدى بك انا احس اني شفت سيادتك قبل كده.
سالم : حمدى شخصية تحس معاها بانك مش غريب عنها .
فتحى : وأنت كمان حضرتك يا رأفت بك أفكارنا زى بعض 0
سالم : صحيح . وانت يا رأفت بك بتفكر فى حاجة معينه .
حمدى : اى حاجه بس تكون كبيره .
فتحى : السوق مفتوح لاى افكار 0
سالم : كان عندى دراسة لانشاء شبكة محمول متميزة .
فتحى : ده مشروع كبير.
سالم : مش بس ده 0عندى فكرة انشاء مدينة متكاملة و مستقلة ذاتيا فى كل شيء.
فتحى : لا كده الكلام اصبح اعلى مما تصورت .
حمدى : يبقي لنا جلسة تانيه نشوف فيها .ايه اللى ممكن يدعم النشاط بالنادى.
فتحى : وانا اكون سعيد جدا بصحبتكم وتعالوا نغير المكان وتشوفوا النادى 0
ويقف الجميع ويخرجون 0يلمح فتحى ابنته ومعها ابنه وليدو تضحك معه ثم يلتفت الى سالم وحمدى
فتحى : يشرفني اعرفكم باولادى هناك .
يقتربون من طاولة رانيا ووليد . يقف وليد مرحبا
وليد : اظن يا بابا انت كدة راضي عني .
فتحى : اخيرا عملت حاجة كويسه . اعرفكم باعضاء جدد فى النادى رأفت بك وحمدى بك رجال اعمال كبار .
وليد : اهلا يا افندم .
سالم : حلوين ولادك يا فتحى بك ربنا يخليهم لك .
فتحى : يا رب ولو ان الولد ده تاعبنى جدا.
وهنا ياتي حارس النادى ويهمس فى اذن وليد الذى يتوتر قليلا .
وليد : بابا الامانه اهى عندك ذى الفل واستاذن فى واحد صاحبي عاوزنى ضروري .
فتحى : مفيش فايده .
وينصرف وليد ويجلس الجميع .وما حدث أن تعلقت رانيا منبهرة بهيبة ورجولة سالم 0 خرجت عن حالتها واستمرت فى النظر الى سالم ما لفت انتباه حمدى 0 كما ان سالم كان يحاول تجاهل نظراتها اليه 0 النظره بها كثير من الرسائل 0 واستمر فى الحوار 0
سالم : على فكرة يا فتحى بك انا عاوز اعمل حفلة تعارف عندى فى البيت 0.
فتحى : فوزى عندى يعمل لك كل اللى انت عاوزه .
حمدى : هو مش فوزى نائب سيادتك .
فتحى : اه نائب بس مش ذى ما انت فاكر فوزى عنده ميزات كثيره بيعرف يشتغل كل حاجه .
سالم: يبقي يقعد مع حسن وينظم للحفلة .
فتحى : حسن! مين حسن .
حمدى: ذى فوزى كده عندك .
فتحى : اه مفيش مانع .
سالم : بس احنا عاوزين نعمل اول دعوة دلوقتي وهى من نصيب بنتك الجميلة دى .
تبتسم رانيا وتنتبه من سرحانها فى سالم واعجابها به 0
رانيا : مرسى بس أنا مش هقدر0
سالم : ليه كده ؟ أول ما أطلب طلب ترفضيه 0
رانيا : لا والله بس مفيش عندى مزاج لحفلات فى الوقت ده 0
يدق موبايل فتحى فيهتم برؤية الرقم فيستأذن بالذهاب ليتحدث ثم يعود
سالم : أنا عاوز أقولك حاجه 0 مهما كان اللى بيك فى حاجات بعيده عنك بتحصل عشرات المرات أقسى من اللى انتى حاسه بيه 0 ويمكن لو انشغلت بحاجه يمكن تلاقى طريق تحسى فيه بنفسك 0
رانيا : أنا معجبه بتفكير حضرتك بس هو حضرتك مش مصرى
سالم : لا مصرى 0 ليه فاكره انى مش مصرى 0
رانيا : لا أبدا يمكن لكنتك مش ذى ما بنتكلم 0
سالم : المهم انتى فاهمانى ولو فى كلمه مش فاهماها اشرحها لك 0
رانيا ضاحكه : لا مش للدرجه دى 0
يحضر فتحى ويجد ابنته تضحك فيكون سعيدا
فتحى : كده يا رأفت بك تقعد معانا على طول
سالم : أتمنى والله يا فتحى بك بس مشغول زى ما انت عارف
فتحى : كنا اتعشينا مع بعض النهاردة .
حمدى : فرصة ثانيه والايام قدامنا .وهخلى حسن يقعد مع فوزى يرتب للحفله 0
فتحى : على راحتكم .
يقف سالم منصرفا يسلم على رانيا وفتحى وينصرفان ونورا متعلقه بنظرها بسالم حتى يركبا السياره وينصرفا 0 وتلتفت الى والدها
رانيا : هو ده صاحبك يا بابا 0
فتحى : لا أنا لسه مقابله 0 بس لو عايزاه يبقى صاحبى مفيش مانع 0
رانيا : اصله محترم قوى وتحس انه راجل بجد 0
فتحى : احسه !!على العموم شفت لما طلعت شفت ناس واهتميتى بالحوار معاهم0
تهز رأسها كأن والدها ذكرها بشئ تركته 0
ينصرف سالم وحمدى وخلفهما رجال الحراسة وتنطلق السيارتان.
وقبل ان يمر سالم بسيارته من بوابة النادى يلاحظ وقوف وليد مع فتاة بجوار بوابة النادى وهو يميل عليها وهى تتمنع قليلا بدلال .
مقدمة
هذه ليست رسالة الى المظلوم لكى ياخذ حقه بيده دون الخضوع الى عدالة القانون 0 ولكنها رسالة الى كل ظالم قوى لربما يواجه من هو أقوى منه 0 فيجد فى الدنيا حساب وعذاب 0 ثم يلقى حساب وعذاب آخر من الخالق القوى الذى لا قوى بعده 0
محمد الجابر
أصعب شيء
القصة
المشهد ( 1 ) مطارده
يبدو وكأنه احدى الطرق الصحراويه عندما خرجت إحدى السيارة الجيب من الجانب الرملي لتأخذ طريقها على الإسفلت 0 كان يقودها شاب بدا عليه الارهاق كما كانت ملابسه ممزقة والى جواره كانت تنام فتاه وجهها متعب هزيل 0 كان الشاب يقود بقلق وكان يبدو ان قلقه ظهر من خلفه حيث لحقت به سيارة اخرى تطارده 0 افاقت الفتاة ونظرت للشاب بجوارها .
الفتاة : فى اية ؟
الشاب : احنا هربنا لكن اهم ورانا 0
الفتاة : انا خايفه .
الشاب : ربنا يستر .
اقتربت السيارة الاخرى اكثر وانطلقت منها اعيرة نارية اصابت الطلقات الشاب والفتاة .وانقلبت بهما السيارة عدة مرات ..
===================
المشهد ( 2 ) الكوامل
بلدة ريفيه كبيرة فى صعيد مصر بجوار مدينة الاقصر اسمها الكوامل علي اسم كبيرها سالم كامل الكامل0
وسالم الكامل كبير البلد هو رجل اجتمعت فية كل جوانب الزعامة0ثقافة وتعليم وثراء يتضح من فخامة قصرة ومشروعاتة التى يديرها ابنه الاكبر هشام متزوج من ابنة عمه سعيد كامل الكامل 0 واحمد ابنه الاصغر فى السنة النهائية فى الجامعة الامريكية 0 زوجة سالم اسمها سعاد وهى سيدة هادئة راقية فى حدود التقاليد ومطيعة لزوجها سالم 0 البلدة كلها تتبع كبيرها سالم الكامل ومن بعده اخيه سعيد النائب فى البرلمان 0
اشتهر سالم بقوة شخصيته وملامحه الحاده ورغم ذلك هو انسان يتقى ربه فيما اعطاه لا يتعدى على احد ولكنه لا يدع احدا يتعدى عليه 0 يدير كل شئ من مكانه ويتدخل بنفسه اذا دعت الحاجه لذلك 0 الكل يخافه اذا غضب فتجده يعرف تقدير الامور لذلك اصبح واضح للجميع ان عليهم طاعته وعدم مخالفته فيما وضعه من حدود لكى تسير الامور كما يراها من خبرة السنين 00
وفي عصر يوم حدث ان انقلبت البلدة عندما دخلت ثلاثة سيارات تتابع وراء بعضها مسرعة لتقف امام قصر كبير البلد وخرج من السيارات بعض الرجال وكبيرهم اللواء حمدى وهو أبن عم سالم ويعمل لواء فى الشرطه ويعتبر الصديق المخلص لسالم 0 صوت السيارات اخرج سالم من قصره يتطلع من القادم0
اقترب من سالم وعينة مملوءة بالدموع 0نظر لة سالم وكأنه يعرف ان شيئا سيئا يخصة حدث 0
قال سالم :
فى ايه يا حمدى 0 ايه اللى حصل 0
حمدي : محاولاًً عدم الالتقاء بعين سالم
احمد في المستشفى
استند سالم الي الجدار 0نظر سالم الى حمدى لكى يعطيه تفاصيل 0
اكمل حمدى انقلب بسيارتة علي الطريق الدائري
نزل سالم درجات السلم في اتجاة السياره0صوت الام وهي تبكي يصل باهتا من الداخل 0
فتح السائق لة الباب وجلس معة اللواء حمدي وانطلقت السيارة وورائها انطلقت السيارات الاخري متجهين الى المطار ليستقلا طائرة متجهين للقاهرة 0
=============================
المشهد ( 3 ) المستشفى
يتوجة بسرعة احد الرجال ليعرف مكان الولد ويدخل سالم وحمدي فيوجهم الرجل الي المصعد0
يصلوا الي الغرفة فيجدوا اثنان من عناصر الشرطة ويستقبلهم ضابط برتبة عقيد يلقي التحية العسكريه للواء حمدى وهو يحاول تجنب اسئلهم 0
نظر سالم الي حمدي بدهشة من وجود الشرطه وكأنة يدرك ان حمدي يخفي شيئا 0
قال حمدى : ايه يا شوقى حصل ايه0
يرد شوقى محاولا الا يكون منه الخبرالمزعج لعلمه بعلاقة اللواء حمدى باحمد وايضا وضع والده 0ويكتفى بازاحة مسئولية الرد الى الطبيب قائلا
شوقى : الدكتور اهو جاى يا فندم 0
بدات الدموع تظهر فى عينى حمدى لما احس به من محاولة هروب العقيد شوقى من الرد 0هنا
نظر سالم الى شوقى ثم تركه متجها الى الغرفه فمنعه الشرطيان ولكن ينظر اليهما شوقى ليتركاه 0
دخل سالم الى الغرفه يقترب ببطئ من فراش ابنه حتى جلس بجواره 0 كان وجه ابنه ملئ بالجروح 0 لمس سالم يد ابنه محاولا افاقته بهدوء 0 الدموع تنهمر من عينيه 0 لا حركه تاتى من ابنه 0 احس بما كان يخبأه الاخرون 0 تاكد من فراق ابنه حيث الاجهزة التى بالغرفه متوقفه عن العمل 0 وضع راسه على صدر ولده غارقا فى البكاء لتخطلط دموعه بدماء ولده 0يفتح الباب ويدخل هشام الابن الاكبر صارخا
هشام : احمد اخويا لا لا ااااااااااه قتلوك ليه يا خويا رد عليه قلى مين اااااااااااااااه احمد مات يا بويا 0
يرفع سالم وجهه عن صدر ولده وينظر بنظرة حاده الى ابنه هشام بعد ما قاله يقترب من هشام يمسك بيده مستندا عليها وفى نفس الوقت كان بها شئ من القسوه حيث جذبه الى خارج الغرفه وكان حمدى على وشك الدخول فمنعه سالم مشيرا له بان يتبعه وخرج بابنه هشام مغلقا باب الغرفه ومتجها الى حيث يقف العقيد شوقى 0 وبتماسكه المعتاد ونظرته الحاده قال0
سالم: ممكن اعرف ايه اللى حصل
شوقى : البقيه فى حياتك يا سالم بك0
سالم: ايه للى حصل 0
شوقى : احنا وجدنا ابن حضرتك داخل سيارته الجيب مقلوبه تقريبا الفجر
توقف شوقى مترددا ثم اكمل : وكان معاه واحده 0
سالم : معاه واحده ؟ وايه اللى جابها مع ابنى 0
شوقى: لسه معرفناش لكن المشكلة اللى فى الموضوع اننا لاقينا المسدس اللى انضربوا بيه معاهم فى السياره 0
سالم : والست دى فين
شوقى: للاسف ماتت لكن جارى البحث عن هويتها 0
ويمد يده بكيس صغير به محفظة ومفاتيح خاصة باحمد يتناولهما حمدى ويستأذن شوقى ينظر سالم الى الكيس يعرف ما بداخله يتناوله برفق من يد حمدى
جلس سالم يعصر بيديه الكيس ويذرف الدمع فتسيل دموعه على الكيس 0تحدث مكررا بعض جمل العقيد شوقى 0وطريقته فى الكلام اخذت شكل الذهول مما حدث 0
سالم: ابنى انقتل ومعاه واحده 0
يقترب هشام من والده فى حزن وخوف على ابيه 0
هشام : يا بويا متعملش كده فى نفسك انا مش هسيب دم اخويا الا لما اخلص على اللى قتلوه 0
انتبه سالم الى هشام 0 نظر اليه فى خوف عليه احتضنه وكانه يقول انت من تبقى لى 0 اعتدل فى نبرة صوته قائلا0
سالم : روح خلص اجراءات دفن اخوك وانا هحصلك على البلد 0
قام هشام منصرفا منحنى الراس 0
نظر سالم الى حمدى يريد منه كلاماً مباشراً 0
سالم : تقدر تفهمنى حاجه يا سيادة اللواء0
يمسح حمدى دموعه بمنديله الابيض ويلتفت الى سالم
حمدى :احنا حتى الان منعرفش هما كانوا فين ولا رايحين فين كل اللى عرفناه ان احمد اخد جرعة تخدير وكمان البنت اللى كانت معاه احنا معرفناش البنت دى مين لكن هنعرف وممكن نوصل من وراها لحاجه 0
اوقفه سالم قائلاً:
سالم :يعنى احمد اتقتل مش كده 0 ومحدش يعرف مين قتله 0
حمدى : الاحتمالات موجوده يا سالم وكمان لان المسدس موجود معاهم فى السياره يدينا احتمال تكون البنت دى هى اللى قتلته او اتخانق معاها 0
يقاطعه سالم فى حده مندهشا ومستنكرا0
سالم : قتلته اتخانقت معاه انت بتتكلم عن مين !!! احمد اللى ربناه يموت معاه واحده وتقولى هى اللى قتلته وهو اللى قتلها 0 احنا معندناش حد مجرم للدرجه دى يا حمدى 0
حمدى : انا زيك معرفش حاجه لكن لازم نعرف ايه اللى جابها معاه 0
يهز سالم راسه محاولا اختصار الجدال وكأن لا فائده من ذلك وقام وقام معه 0
سالم : ياله بينا 0
حمدى : هتروح فين ---- المطار ؟
هز مفاتيح ولده احمد ثم مشى وتبعه حمدى
=====================================
المشهد ( 4 ) منزل الأبن
فى حى راق يصل سالم وحمدى الى احدى العمارات يستقلا المصعد ويصلا الى احدى الشقق 0 يخرج سالم المفاتيح يفتح الباب يدخلان يتجول سالم فى الشقه ينظر الى صورة ابنه وحمدى لا يفعل شئ سوى النظر بحزن 0 جلس على احد المقاعد تارة ينظر الى سالم وتارة الى صورة احمد0 يتجول سالم الى ان يتجه الى مكتب ولده يجلس خلف المكتب يتحسس الكتب والاوراق 0 يقرب كتاب الى انفه يشم رائحة ابنه0
يدق موبايل حمدى وكان على الطرف الاخر شوقى كان يكلمه عن البنت التى كانت مع احمد فى السيارة 0 الكلام جعل سالم ينتبه حتى انتهى حمدى 0 نظر اليه سالم منتظرا توضيح
حمدى : البنت متبلغ عنها غياب وامها بتشتغل فراشه فى نادى 0
سالم : انا اكيد فى كابوس بنت مع ابنى ؟ وابنى مقتول والبنت مقتوله وامها فراشه 0 امتى حصل كل ده وانا نايم على ودانى 0
حمدى : احنا ممكن نعرف الاجابه من ام البنت دى
يهز سالم راسه فى يأس ثم يفتح الدرج العلوى يقلب فى محتوياته ثم يتوقف حيث امسك ببطاقة عضويه فى نادى لا يعرفه 0 يخرج البطاقه ينظر الى حمدى 0 يقترب حمدى يمسك منه البطاقه 0
حمدى : النادى ده جديد لكن احمد اشترك فيه اذاى واحنا منعرفش0
سالم : حمدى يمكن تفتكر انى اتجننت او فقدت اتزانى لكن انا حاسس ان البدايه من النادى ده 0
حمدى: يعنى ايه ؟
سالم: يعنى انا هاخد بتار ابنى 0
حمدى : تاخد بتاره من مين 0 يا سالم اللى حصل حصل وسيب القانون ياخد بتارك
يصرخ سالم :القانون كان فين لما ناس منعرفهمش يقتلوا ابنى اللى انت عارفه كويس
حمدى : بس احنا مش فى غابه 0
سالم : وانت عارفنى فى شغلى وفى تربية اولادى عمرى ما ظلمت حد ماشى فى حدود ربنا ولما اكون فى حالى ويجى اللى يعتدى عليه ، المطلوب منى انتظر العداله من القانون 0
حمدى : احنا يا سالم طول عمرنا بنشتغل بالقانون ده ونحترمه ولو خربنا النظام يبقى هتبقى فوضى 0
سالم : انا مش هعمل فوضى انا هصلح الفوضى اللى حصلت 0
حمدى : يعنى مش نروح للست دى ونعرف ايه اللى جاب بنتها مع ابننا 0
سالم : انت بتقول الست دى فراشه ومبلغه عن غياب بنتها ولو عارفه حاجه عن ابنى وانه ورا اى مشاكل كانت قالته فى بلاغ الغياب 0
حمدى : انت عارف احمد يا سالم ابنى اللى مخلفتوش انت عارف ان مراتى هدى متعلقه باحمد قد ايه ده ابننا 0 وغير كده لما نتكلم عن الطيبه والشهامه والرجوله والامانه والاخلاق نقول احمد 0 ويمكن يكون احمد له علاقة خير والست دى ممكن تقولنا هو عرفهم ازاى 0
سالم : شئ واضح انه عرفها من النادى ده
حمدى بس لازم نمشى بالقانون يا سالم وبلاش نولعها نار منعرفش هتوصلنا لايه 0
سالم : وتفتكر احمد ميستحقش 0
حمدى: لاخر مره بقوللك خلينى اقلبلك البلد واجيبلك اللى قتل احمد وياخد عقابه بالقانون 0
سالم : اعمل اللى انت عاوزه بس مش عاوز حد يعترضنى او يمنعنى من الى حعمله 0ولازم تعرف انى هنتقم لابنى فاما تكون معايا او تكون ضدى 0 حتى لو قلت انك هتاخد الحياد هتبقى ضدى 0
انفعل حمدى من كلمة الحياد وذهب الى صورة احمد واشار للصوره المعلقه وهو ينظر لسالم
حمدى: حياد ايه يا سالم انت صحيح الكبير لكن موت احمد مش انا اللى ياخد فيه الحياد 0 واللى انت عاوز تعمله انا معاك فيه مش علشانك ولا لانى خايف اكون ضدك لكن لان قلبى محروق والسكه اللى انت هتمشى فيها ضد عملى وعلشان كده كفايه عليه شغل وارتاح 0
سالم : انت عاوز تسيب شغلك يا حمدى ؟؟؟؟
حمدى: لانى هشتغل شغلانه تانيه يا ابن عمى يا كبير 0
سالم : تضحى بشغلك يا حمدى ؟؟؟
حمدى : وأسيبك لوحدك يا ابن عمى وصاحبى هو أنا عمرى سيبتك !
سالم : بس أنا مش عاوزك تندم لانى معرفش هنلاقى حاجه ولا لا
اقترب حمدى من سالم واحتضنه وسالم عينه متعلقه بصورة ولده ونظرة تحدى وغضب 0
===================================
المشهد ( 5 ) الدفن
في البلدة عاد الجميع مع جثمان الولد0 البلدة محتشده مع الجثمان الي المقابر اصوات النحيب من كل اتجاه 0 الرجال والنساء الكل تزاحم لوداع الشاب الانسان الذى تعودوا منه كل الخير0 الكل يبكى احمد الكل يحكى عن المصيبة التى اصابت البلد 0
احتضن سالم ابنه وقبل راسه قبل ان ينقلوه من داخل التابوت ملفوفا بكفنه الى داخل القبر 0 الكل حول سالم الذى يحاول التماسك حتى وهو يحتضن ولده 0000 وتم الدفن 0
في ديوانية القصر سالم يجلس مع اخيه سعيد عضو البرلمان وهو رجل قوى الملامح 0 لكنه اما اخيه سالم تابع مطيع 0 كان سعيد يسال اخيه سالم على استحياء من السؤال الذى لم يكن متوقعا لاحمد الشاب الصغير 0
سالم : اعمل ترتيبات العزا يا سعيد 0
رفع سعيد رأسة 0
سعيد: العزا بعد التار يا اخويا 0
سالم : وانت عاوز تعلنها انك هتاخد التار 0
قال سعيد : ليه هو احنا خايفين
سالم : لازم نكون خايفين اولا الناس هتجيلك من كل مكان وثانيا علشان التعالب متهربش 0
سعيد : طيب فهمنى هنعمل ايه
سالم : هتفهم بس لما يجى خمدى وروح انت خلص موضوع العزا ومش عاوز حد يعرف باللى حصل 0
ينصرف سعيد مطيعا ويقابل سعيد وزوجته يدخلان من باب القصر الزوجه هدى امراة ذات جمال هادئ راقية حتى فى الملبس الاسود الذى ارتدته حزنا سلمت على سعيد وانصرفت متجهة الى ام احمد لتنضم الى الحريم 0 يقف سعيد يتحدث لائما الى حمدى 0
سعيد : ايه الاخبار يا سيادة اللوا
حمدى : هنتكلم لما نقعد مش دلوقت يا سعيد 0 فين سالم
سعيد : ادخله جوه وانا هشوف العزا 0
==============================
المشهد ( 6 ) الام
تدخل هدى الى غرفه الحريم حيث تجمعت النسوة ترتدى السواد اقتربت هدى من الام سعاد تحتضنها فتبكى سعاد بحرقه عندما رات هدى تشير الى مدى حب هدى لولدها المقتول 0
سعاد : شفت يا هدى احمد مات يا هدى احمد يموت كدا يا هدى اااااااااااااه يا بنى
هدى : ربنا يرحمه يا اختى ربنا يرحمه 0 احمد كان الملاك بتاعنا
سعاد : والملايكه يروحوا كده 0
هدى : ربنا ينتقم من اللى كان السبب
يشتد البكاء وتتدخل ناديه زوجة هشام وهى ابنة سعيد عم هشام وكان يبدوا عليها الحمل
ناديه : بلاش كده يا خالتى احمد مكنش هيرضى تعملى كده علشان يستريح اصبرى وربنا مش هيسيب اللى اتسبب فى موته من غير عذاب فى الدنيا والاخره 0
تهدأ الام وتلقى برأسها فى احضان هدى التى تمسح على رأس سعاد الام والحزن والغضب فى عينيها 0
============================
المشهد ( 7 ) العزاء
البلد كلها تحولت الى سرادق عزاء القادمين من كل اتجاه بمختلف طوائفهم ومستوياتهم ، الحشود الهائلة التى قدمت 0 الجميع يتجهون الى موقع العزاء الضخم 0 كبار العائلة وعلى رأسهم كبيرهم سالم الذى وقف شديد الملامح غير مهزوز يتقبل عزاء الجميع الكل يشد على يديه 0 الكل جالس فى السرادق يستمع الى القرآن فى احترام منحنى الرأس والحزن على وجوه الجميع 0 مهما كان نوعه حقيقيا او مجاملا لوضع هذه العائله وكبر نفوز كبيرهم 0
استمر العزاء لاوقات متأخرة بالليل حتى انتهى واغلقت ابواب القصر وانصرف الجميع واتجه الكبار يتبعهم هشام وابن عمه على يتجه الجميع الى الديوانيه حيث جلسو منتظرين كبيرهم سالم الذى اتجه الى زوجته سعاد 0
==========================================
المشهد ( 8 ) الوالدين
اقترب سالم من الغرفه التى تواجدت بها زوجته ومعها هدى وزوجة ابنه وبعض نساء العائلة تنحنح لكى يلفت انتباه النساء أشار الى زوجته التى قامت اليه فى طاعة تجر معها الحزن 0 يلف سالم ذراعه يضمها اليه يبتعد بها قليلا ثم يلتفت اليها مؤكدا بنبرة حاده
سالم : سعاد عاوزك زى ما تودت منك تقفى جنبى وتساعدينى
سعاد : وانا بايدى ايه خلاص احمد مات
سالم : احمد انقتل يا سعاد 0
كادت ان تصرخ لولا ان شد على ذراعها لتصمت لكى يكمل كلامه
سعاد : ازاى ومين ؟ ! احمد مين يفكر يقتله يا سالم ؟
سالم : علشان كده عاوزك تقفى جنبى 0
سعاد : ومن امتى يا سالم رفضت لك طلب بس ازاى 0
سالم : انا هاخد بتار ابنى 0
سعاد : تاخد بتاره !! هو انت عارف مين اللى قتله ؟
سالم : هعرف وعلشان كده انا عاوزك تشيلى عنى التفكير فيك وانك هتكونى قويه لغاية ما ارجع 0
سعاد : مش عارفه اقولك ايه طول عمرك بتاخد القرار وكلامك يمشى 0 بس المره دى لازم اسألك 000 انت متأكد من اللى هتعمله ؟ متأكد انك انك مش هتخطاطر بنفسك ؟
سالم : انا عامل ترتيبى
سعاد : خايفه اقولك متقلقش عليه 0 خايفه يحصلك حاجه 0 وساعتها مش هسامح نفسى انى محاولتش امنعك 0 واللى جوايا من اللى حصل لابنى بيولع نار وعاوزه اشوف اللى قتله بيدوق العذاب قبل ما يموت 0
سالم : انا عاوزك تصبرى 0 وانا مفيش حاجه هتمنعنى انتقم لابنى 0 لان يا سعاد مينفعش نكمل حياتنا قاعدين جنب بعض نفتكر احمد وكأنه مات فى حادث وننسى اللى قتله 0
سعاد : شوف اللى انت عاوز تعمله ومتقلقش عليه 0
يحتضنها سالم واثقا منها ويتركها وهو يخفى دموعا كانت على وشك الانهمار من عينيه 0
في منزل حمدى دق جرس الباب
=======================================
المشهد ( 9 ) التخطيط
عاد سالم الى ديوانيته حيث انتظره اخيه سعيد واللواء حمدى وولده هشام وابن اخيه على وقف الجميع عند دخوله فأشار لهم بالجلوس 0 وبدأ كلامه بحده
سالم : انا قررت اخد بتار ابنى بنفسى
التفت هشام الى الاخرين مستنكرا تجاهله
هشام : هو اللى انقتل مش اخويا يا والدى
سالم : انت عاوز تروح فين يا هشام انا رايح ادور عن حاجه معرفهاش ومعرفش اللى قتله حد نوعه ايه 0
هشام : يعنى تخاطر بنفسك وانا موجود ليه انت شايفنى ضعيف يا والدى 0
يتدخل حمدى فى الحوار
حمدى : استنى يا هشام لما ابوك يكمل 0
يتدخل على ايضا مستنكرا
على : ما هو صحيح كلام هشام يا عمى احنا موجودين وانت تخاطر بنفسك فى اتجاه مش عارفين خطورته ايه 0
بعد صمت من سالم تشتد نبرة سالم حده
سالم : احنا فى حماس شباب ولا موضوع مثير بنتكلم فيه وخلاص 0 انا بتكلم معاكم علشان لازم ارتب هنا الاول يعنى احمى ظهرى واطمن 0 ودوركم موجود بس كله يبقى من خلالى اى تصرف فردى حتى لو تفكير مش عاوزه وده كلام نهائى 0
سعيد : شوف انت عاوزنا نعمل ايه واحنا معاك 0
سالم : يا هشام يا بنى انت لازم تكون فى مكانك مش عاوز اى تغيير
هشام : يعنى اقف اتفرج يا والدى ده هيرضيك 0
سالم : اتاكد يا بنى ان لك دور واهم دور انك تحمى ظهرى 0 وعلشان اجيب اللى قتل اخوك لازم تسمع الكلام 0
على : طب لو موصلناش لحاجه 0
سالم : بالصبر مهما طال هنجيبه 0 ابنى اتقتل واللى قتله فى مكان مش على باله 0
سعيد : طب ما هو ممكن اللى قتله بيراقب ايه اللى هنعمله 0 ويكون اخد حذره 0
حمدى : مين هيراقب اهل اللى قتله انت ناسى ان احمد كان طالب يعنى مش صاحب نفوذ او عنده مشاكل مع حد 0
سالم : وعلشان كده نتصرف بنظام وبتفكير واحد وحمدى بعد شويه هيمشى يرتب للى هنتفق عليه 0
===================================
المشهد ( 10 ) حسن
فتح حمدى الباب ليدخل حسن الزغبي وهو رجل شعبي في لغتة 0 دخل علي استحياء 0اجلسة حمدى وذهب يحضر مظروف ثم عاد الى حسن الذى كان يجلس على استحياء
حمدى : باختصار يا حسن عاوز منك خدمة 0
رد حسن : عيني يا أفندم 0
قال: في نادى اسمة الورود عاوز كارنهين عضوية فية 0
رد حسن بدهشة: معقول يا كبير شيء بسيط كدة0 حالا وانفذ لك اللى انت عاوزه 0
قال حمدى : اسمع يا حسن انا عاوز الكارنهين من غيرما حد يعرف انا مين فاهم 0 دى صورتي وصورة صديق لي ده راجل اعمال كبير قوى اسمه رأفت السعيد 0
قال حسن : مش فاهم معلش ساعدتك فهمنى كويس علشان مغلطش0
قال حمدى : احنا مش عاوزين نشترك بحقيقتنا لظروف هتعرفها بعدين0
حسن: انا تحت امرك 0 بس عندى سؤال حضرتك تشترك ليه0000
يقاطعه حمدى لكى يقصر عليه التفكير
حمدى : انا اخترتك يا حسن علشان اعرفك كويس انت انسان جدع وعمرك ما تخون وانا فى مهمه وعاوزك معايا فيها 0
حسن : انا فداك يا حمدى باشا 0
حمدى : لما تروح تعمل الاشتراك لازم تكون فى مظهر راقى وسيارتك ورجالتك عاوزهم معانا حراسه فاهمنى طبعا 0
حسن : اكيد يا فندم
حمدى : اسلوبك فى الحوار يكون بتاع ناس كبار والناس اللى هتجيبهم معاك تختارهم كويس قوى وتفهمهم انهم هيشتغلوا مع رجل اعمال كبير يكونوا على استعداد يضحوا بنفسهم علشانه 0 ومهما طلبوا متبخلش بس يكونوا رجاله بجد 0 وكمان متنساش السيارات ونوعها تعمل حساب سيارة الراجل المهم اللى معانا وسيارة الحراسه 0
حسن : انا هعمل لسعادتك شغل ولا فى الافلام 0 يومين وادى سعادتك التمام 000 مش بيقولوها كده يا باشا 0
يبتسم حمدى ويهز راسه بالموافقه 0ويمد يده بالمظروف 0
حمدى :والظرف ده فيه فلوس الاشتراك والاوراق اللازمه ونبقى نتحاسب 0
حسن : متقلقش يا افندم 0
حمدى : شكرا 0يا حسن انا عارف انى اقدر اعتمد عليك وانا في انتظارك 0
===============================
المشهد ( 11 ) هشام يرحل
يخرج هشام ويذهب الي والدتة التي كان يلتف حولها نساء العائلة والاصدقاء 0وما ان رات ولدها هشام نظرت الية في حنان 0
جرى عليها هشام والدموع تغرقة 0 احتضنت ابنها وكانها تقول انت من تبقي لي يا ولدي 0
امسك هشام بيد والدتة وجذبها في رفق يريدها في حوار خاص 0
ودخلا الي غرفة اخرى 0مسح دموعة وبدء يتمالك نفسة
هشام: امي انا خايف عليك ومش قادر امشى وانا قلقان
نظرت الام لابنها في محاولة ان تظهر قوية 0
الام: انا كويسه يبنى بس خلى بالك على نفسك وشغلك 0
هشام : ايوه يا امى متخافيش 0
يقبل يد امه ويتركها تعود وتخرج اليه زوجته ناديه وهى فى المرحلة الاخيره من حملها
ناديه : انت هتمشى يا هشام
هشام : مش عاوزه حاجه
ناديه : هتقعد كتير ؟
هشام : اكيد لا يومين اخلص حاجات متأخره واجى 0 عاوزك تخلى بالك على امى
ناديه : دى امى يا هشام متقلقش وخد بالك من نفسك
يقبل هشام زوجته ويمسح بيده على بطنها الحامل وينصرف متجها الى والده الذى كان جالسا فى المكتب وحده شاردا بذهنه يتطلع للامام بنظرة حاده 0
يستأذن هشام بالدخول معلنا انه جاهز للرحيل 0
هشام : عاوز منى حاجه يا والدى
سالم : لا يبنى ربنا معاك خد بالك على نفسك وذى ما فهمتك
هشام : متقلقش كلامك اوامر
يقبل هشام يد والده فيشده سالم الى حضنه فهو لا يعرف لاى عالم ذاهب تسيل دموع هشام خوفا على والده 0 يمسك سالم برأس ولده يمسح باصابعه دموعه من على وجهه 0
سالم : متخلنيش اقلق 0
هشام : خلاص يا والدى متقلقش خلى بالك على نفسك
يهز سالم رأسه مؤكدا وينصرف الابن الاكبر ذاهبا الى شركاته 0
===========================
المشهد (12 ) الرحيل الى المجهول
بعدما اتم حسن اجراءات الاستعداد لقدوم رجل الاعمال وجهز الحراسه والسيارات وتم استئجار القصر الذى سيعيش فيه سالم وحمدى اعطى التمام الى حمدى الذى توجه فورا بالطائره الى سالم فى البلده 0وكان قد اتصل بسالم لكى يحضر نفسه للسفر 0 وصل حمدى وكان سالم واقفا مع زوجته يتبادل معها حوارا هادئا ومطمئنا لها 0 حضر حمدى وسلم على سالم وزوجته 0 خرجت هدى زوجته من الداخل 0
هدى : حمدى انت جيت
يقبلها حمدى فى جبهتها وياخذها فى حوار جانبى
هدى : فى حاجه حاسه بيها
حمدى : حاجة ايه ؟
هدى : حاجه مش فاهماها 0
حمدى: حبيبتى انا محتاجلك تكونى هنا مع اختك
هدى : انت مسافر
حمدى : لا فى شوية حاجات هخلصها مع سالم بس المهم اطمن عليك
هدى : مش بقولك فى حاجه 0 لكن طالما شغل مفيش مشكله اطمن عليه انا مع اختى لغاية متخلص 0
حمدى : هى دى مراتى حبيبتى اللى بتفهمنى 0
هدى : خبره يا سيادة اللوا
يسلم سالم على زوجته ويقبلها ويقبل جبهة زوجة ابنه 0 ويشير الى حمدى الذى يقبل يد زوجته ويودعها وهو يعدها بالاتصال 0وتم نقل الحقائب الى السيارة وركب الاثنان متجهان الى المطاروكان فى وداعهما سعيد وابنه على 0
===============================
المشهد (13 ) ترتيب خاص
هشام الابن الاكبر يجلس في مكتبة يدخل علية مدير مكتبه سيد 0
هشام : عملت ايه يا سيد؟
سيد: رتبت كل اللى حضرتك طلبته 0
هشام : ابدأ دلوقت ومش عاوز غلط
سيد : اطمن يا هشام بك 0
ينصرف سيد تاركاً هشام ينظر امامة نظرة القلق 0ثم يمسك الهاتف يتحدث لزوجته يطمئن عليها
============================
المشهد ( 14 ) زياره غير متوقعه
وهنا يحضر الحارس يخبر سعيد ان العقيد شوقى يريد مقابلة سالم بك فيأمره بإدخاله 0 يدخل شوقى ويسلم على سعيد 0
سعيد: اتفضل يا سيادة العقيد 0
شوقى : انا اسف يا سيادة النائب بس حبيت اقابل سالم بك 0فى شوية اسئله عاوزلها اجابات 0
سعيد : هو انتوا معرفتوش مين اللى قتله 0
شوقى : يا سيادة النائب الحادثه حصلت فى الفجر ومفيش دليل حتى الان 0
سعيد : والدليل هتلقاه عندنا !
شوقى : انا اسف يا سعيد بيه لكن بس نعرف اذا كان فى اى خلافات مع اى حد على مستوى العائله او على المستوى الشخصى مع احمد وحد تانى 0
سعيد : فى حد بيكره الملايكه يا شوقى بيه
هز شوقى راسه متفهما ما قاله سعيد ثم عاد يسال فى حذر
شوقى : لكن ممكن اقابل سالم بك
سعيد : سالم سافر راح يبعد شويه 0
شوقى : لكن احنا محتاجين للرد على بعض الاسئله 0
سعيد : الاسئلة دى انا اللى هسئلها للوزير لما انسان ينقتل ومحدش يعرف مين اللى قتله يبقى احنا اما فى غابه او فى امريكا 0
شوقى : مش للدرجه دى يا سيادة النائب – احنا مش بنام من البحث 0
سعيد : يبقى الافضل تهتموا بالبحث ومش تضيعوا الوقت فى اسئلة 0
شوقى : على العموم انا اسف للازعاج واذا فى عندكم شك فى اى اتجاه يا ريت اتبلغ بيه 0
سعيد : ده اكيد يا سياد العقيد 0
يستاذن العقيد لينصرف ويسلم على سعيد 0
=================================
المشهد ( 15 ) البدايه
يصل سالم وحمدى الى مطار القاهره ويجدا حسن فى انتظارهما ومعه رجال الحراسه ويستقلا السيارة المرسيدس وورائهما سيارة جيب 0
تصل السيارتان الى قصر كبير فخم يفح الحراس البوابه 0يدخل سالم وحمدى القصر يتبعهما حسن الذى يأمر الرجال بالتفرق فى جنبات القصر . وبالقرب من باب القصر بالداخل يتطلع سالم الى القصر وفخامتة من الداخل ولكن نظراتة صارمة كأنة يطلق تصريحا سريا بان المهمة بدأت .
يجلس سالم ويجلس حمدى ويقترب حسن منهما ويقول
حسن: حمدا للة على السلامة .
حمدى: شكرا يا حسن .كل شيء تمام .
حسن : كلة تمام.
حمدى : اعرفك برأفت بك السعيد 0
حسن : انا تحت امرك يا رأفت باشا 0
حمدى : استعد بكره هنروح النادى .
يقاطع سالم باشارة من يدة .ويقول
سالم : بكره بالليل
حسن: فى اى وقت يا باشا . استريح من السفر واحنا رهن الاشارة 0
يستاذن حسن فى الانصراف . ينظر حمدى الى سالم .
حمدى : ايه رايك .
سالم : تمام .
حمدى : لكن ليه نروح بالليل 0
سالم : الغلط كله بالليل يا حمدى 0
هز حمدى رأسه معجبا برد سالم ثم ينادى على حسن فياتي مسرعا .
حمدى : حسن روح مع رأفت بك لغرفته .
حسن : تحت امرك . اتفضل يا رافت باشا .
يقوم سالم ويسير خلفة حسن الذى يتقدمة باستحياء وعندما يصلا الى الغرفة .
حسن : اتفضل يا رافت باشا .شنط سعادتك فى الغرفة دى 0
سالم : شكرا يا حسن .
قبل ان ينصرف يستوقفة سالم ويقول
سالم : انا فى مهمة محددة واحتاج للمخلصين المهمة دى ممكن تكون فرصة عمرك لترتاح بقية حياتك . اهم شيء عندى الاخلاص .
حسن : لو تعرفني يا باشا لكنت وفرت الكلام ده 0
سالم : حتي لو اعرفك احب اقول الكلام ده لان العالم اللى هندخله بة اغراءات ضخمة وانا عندى اكثر بكثير من الاغراءات دى والاخلاص عندى ملوش ثمن .
حسن : فاهم يا باشا والايام هتثبت لك انى اقوى من اى اغراءات .
سالم : انت والرجاله اللى معاك؟
حسن : احنا كلنا نفديك بارواحنا 0
سالم : شكرا يا حسن تقدر تروح دلوقت وبكره نتقابل 0
يهز حسن راسة وينصرف ويدخل سالم الى غرفتة . ينزل حسن فيجد حمدى مازال جالس يتحدث الى زوجتة بالتليفون يطمئنها ثم ينهى المكالمة ويلتفت الى حسن .
حمدى : حسن انا لازم الفت انتباهك ان رافت بك اهم شيء فى مهمتك معايا 0 انت والرجاله عينكم عليه مش عاوز اخطاء .
حسن : انا فداكم يا باشا 0
حمدى : ده ظنى فيك يا حسن 0 روح انت ورتب امورك وبكره اشوفك 0
==================================
المشهد ( 16 ) زياره استطلاعيه
فى مساء اليوم التالى خرج سالم من غرفته لابساً زيه المدنى 0
الهيبة الطبيعية فى مظهر سالم تجعل اى شخص يقابلة غير قادر على مقاومة الاعجاب بة . استعد الجميع وركبا السيارة وورائهم الحراسة وانطلقت السيارات .
عند بوابة النادى جلس حارسان امن يتحاوران ةعندما اقتربت السيارتان من البوابة وقف الاثنان يستطلعان الامرخرج رجلين من سيارة الحراسة التى تقدمت سيارة رجلى الاعمال رافت وحمدى .يطلع الحارسان على بطاقات العضوية فيسرعان بفتح حاجز العبور للدخول . وهما يلقيان التحية على سالم وحمدى .
تدخل السيارتان وسط نظرات تلاحقهما حتى وقفت السيارتان الحراسة وسيارة سالم وحمدى..
نزل سالم وحمدى يحيطهما الحراس حتى اختارا مكانا للجلوس. ولم تمضى لحظات حتى جاء رجل من داخل المبنى الادارى تقدم بحذر وسط رجال الحراسة حتى وصل الى سالم وحمدى . انحنى يسلم عليهما ويعرفهما بنفسة .
الرجل : فوزى عثمان نائب رئيس النادى . واتشرف بكم فى عضوية النادى .
حسن : حضرته الباشا رأفت السعيد والباشا حمدى سليمان.
فوزى : اتشرفت بيكم يا افندم وانتو مكسب للنادى .
سالم : تفضل يا استاذ فوزى .
حمدى : احنا بنحب الرياضة والعمل الاجتماعى وهتكون لنا جلسات للمشاركة الفعالة معاكم.
هز سالم راسة موافقا على كلام حمدى .
حسن : مش عاوز اقول لك يا استاذ فوزى ان الخير كلة جه للنادى .
فوزي: ده شيء واضح يا فندم .
سالم : انت نائب الرئيس ومين الرئيس .
فوزى : الرئيس هو رجل الاعمال فتحى عثمان اكيد حضرتك تعرفة .
حمدى : استاذ فوزى عاوزين نقدم شيء للنادى . اذا كان عندك تقرير عن انشطتة اللى تحتاج دعم.
فوزى : اى عرض من سيادتكم يعتبر شيء كبير رغم ان فتحى بك رجل سخى جدا . واذا لكم رغبه فى دعم النادى 0 وانا هعرض على مجلس الاداره مقترحاتكم 0ودلوقت اسمحولى اقدم لكم حاجه 0
يشير فوزى لاحد العمال فى الكافبه الذى يأتى مسرعا يلبى طلبات الضيوف فيطلبان قهوه 0 ينصرف العامل 0
سالم : ورئيس النادى موجود
فوزى : هو مسافر هو وبنته وهيرجع بالكتير بكره او بعده 0
يستاذن فوزى ويتركهما معا . يقترب حسن من سالم وينحنى يهمس لة
حسن : على فكرة يا رافت بك فوزى ده شخصية ضعيفة صورة وبس .
سالم: انا عاوزك تلف فى النادى وتعرف لى معلومات عن اعضاءة واى حكاية غريبة .
حسن : تحت امرك .
يستاذن حسن وينصرف ويتحول سالم براسة الى حمدى فى حين جلست الحراسة بالقرب منهما
سالم : الوضع هادئ بشكل ملحوظ مش كده .
حمدى : ده نادى جديد واعضاءه مش كتير 0
وما ان انتهى من كلمتة حتى سمعا صوت سيارة تدخل الى موقف النادى بسرعة وصوت الموسيقى الغربية عالى خارج منها . تقف السيارة الرياضية ويخرج منها شابان ومعهما فتاة ترتدى ملابس خليعه ويلتف حولهم شباب اخرين خرجوا من الصالة الداخلية .
تعلق سالم بنظرة وكان شيئا شده اليهم. نظر الى حمدى الذى بدورة هز راسة ثم قال.
حمدى : دى الحياة العصريه بتاعة الشباب اليومين دول 0
سالم : اهى العصريه دى اللى هتوصلنا 0
حمدى : الصبر 0
سالم: يلا بينا ملوش لازمه القعده كده خلى حسن .
نهض الاثنان فاسرع الحرس أمامهما وهنا التفت كل من في النادى وحتى الشباب تعلقت انظارهما عليهما حتى رحلا .
ترحل السيارتان ويبدا الحوار بين الشباب عن هذان الغريبان.
تهامس الشباب متسائلين من الوافد الجديد اقترب قائد السيارة الرياضية من الفتاة التى تجلس على السيارة واحتضن خصرها وهو ينظر الى المجموعة متسائلا .
ينظر الجميع الى فوزى القادم من الخلف وهو يضحك ضحكتة الساذجة . اقترب من قائد السيارة ووضع يدة على كتفه 0 وبدا على الشاب التضايق من وضع فوزى يده عليه 0 انزل فوزى يده على استحياء 0
فوزى : ايه الاخبار يا كابتن وليد بك 0
وليد : اخبار ايه ؟
فوزى : بابا هيوصل امتى ؟ الاخبار عندك اكيد 0
وليد : انت بتفكرنى بعفريت اسماعيل يسين. كل ما نقول فوزى تظهر. انت بتقعد فى انهى لمبه0
يضحك الجميع ويحاول فوزى التغاضى عن المزاح 0
فوزى : انا عارف انى مش هقدر عليك 0
وليد : طب قولنا مين الناس اللى مشيوا دلوقت 0
فوزى : دول ناس كبار قوى 0
وليد : وزرا يعنى 0
فوزى : لا دول رجال اعمال كبار قوى 0
وليد : وبابا يعرفهم 0
فوزى: ضرورى هيقابلوه
لا يعطى وليد اهتمام لكلام فوزى وينظر الى الفتاة ويقول
وليد : تعالى يا نونو نتجاذب الطراف الحديث .
يعلق احد الشباب اثناء مغادرتهم
قائلا : اوعى اطراف الحديث تبان .
اختفى وليد والفتاة عن المجموعة وبدأ الجميع يتفرق كل اثنين معا .
ويظهر حسن من وراء الضوء الخافت وهو يلتفت اليهم ينتشرون فى ارجاء النادى واركانة المظلمة .
==================================
المشهد ( 16 ) انتظار
يصل سالم وحمدى الى القصر ولكن لا يصعد سالم الى القصر ويتجة الى جلسة فى الحديقة بجوار حمام السباحة فيجلس معه حمدى و ينظر الية . يلتفت سالم الى حمدى
سالم : اذا عاوز تنام روح يا حمدى 0
حمدى : وانت مش هتنام 0
سالم : انا هستنى حسن .
حمدى: أنت هتتعب كده من البدايه 0
سالم : مفيش وقت لازم نكون جاهزين فى اى لحظه 0
حمدى : انا مقدر وعارف ان المهمة دى غريبة عليك يا كبير العائلة .
سالم : فكرتنى .
حمدى : ايه ؟
اخرج سالم جهاز الموبيل واتصل بزوجته يطمئنها ويطمئن عليها 0وبعدما ينتهى ينظر الى حمدى
سالم : عرفت ان العقيد شوقى راح البلد يسألنى وقابله سعيد وعمل اللازم
حمدي: ما هو لازم هتلاقيه بيدور فى كل اتجاه وانا عارف شوقى كويس مش بيهدا واحتمال يوصل لحاجه 0
سالم : دى مهمتك يا سيادة اللوا .
حمدى : انت عاوزنى اعمل ايه؟
سالم : نوصل قبل ما هم يوصلوا 0
حمدى : عاوزنى اخد منهم ونسبقهم 0
سالم : انا عارف ده صعب عليك لكن لازم اللى قتل احمد يكون فى ايدينا قبلهم 0
حمدى : ولما يبقى فى ايدينا هنعمل ايه 0
سالم : عندها يبقى لنا كلام 0
حمدى : يا سالم انت الكبير بس لازم تفهم انى مش عاوز اكتشف ان دورى مخالف للقانون اللى خدمته 0
يرد سالم بحده انت فاهم انى لما امسك اللى قتلوا ابنى واقعد أسألهم انتو قتلتوه ليه وبعدين أسلمهم للقانون 0
حمدى : وانت عاوز ايه ؟
سالم : لما نبقى نوصل نبقى نعرف 0
حمدى : انا مهمتى معاك انى احميك حتى من نفسك 0
سالم : متقلقش يا حمدى بس خلى خلافاتنا مش دلوقت 0
يصل حسن ويسرع اليهما . يطلب سالم منه الجلوس فيجلس .
حسن : اولا رئيس النادى رجل اعمال من كبار المستثمرين وسياستة احتكار اى صناعة تقع فى ايدة . كل الناس تحسب له والواضح انة شخصية قوية .فوزى نائب الرئيس زى ما قلت لسيادتك صورة ووضعة المالى بسيط وهو لا يعطى قرار فى اى شيئ .
والرئيس عنده ولدين وبنت وهى مع والدها فى الخارج ويرجعوا من باريس بكره . وابنه وليد بيعمل اى حاجه فى النادى اما ابنه الاكبر وحيد فهو مسئول عن مصانع والدة .
يتبادل سالم وحمدى النظرات . يكمل حسن كلامة
حسن: والانضباط غير موجود فى النادى . كل شيء بيحصل فى الاركان المظلمة . يعنى لمؤاخذه ده مش نادى رياضى 0 ده اشبه بوكر دعاره 0
يقاطعه حمدى
حمدى: بكره يا حسن عاوزك تعرف تفاصيل اكثر عن رئيس النادى واولادة. واى شئ تانى تحس انه غريب .
سالم : انا افضل ان بلاش يكون شغلك مكشوف وحد يحس باللى بتعمله 0
حسن : بلاش تقلق يا رافت باشا انا مش بتحرك بنفسي ويمكنني اكون معاكم وفي نفس الوقت توصلنا الاخبار اللى عاوزينها 0 وانا حريص قوى حتى اسأل حمدى باشا 0
حمدى: رافت حذر جدا يا حسن ومش عاوزين اى اخطاء .
حسن : الافضل انى استغل قدراتي معاكم فى مواجهة العالم دة .
سالم : مفيش مانع ودلوقت ارتاح وبكره بالليل نروح النادى .
حسن : الافضل اننا بلاش نروح بكره .
حمدى : ليه ؟
حسن : فوزى هيقول للريس عنكم والافضل نخليه عاوز يشوفكم .
سالم : يعنى نشوقه 0
حسن : عليك نور يا رافت باشا
==================================
المشهد ( 17 ) وصول الرئيس
يصل رئيس النادى فتحى وابنته رانيا المطار وفى انتظارة فوزى ورجال حراسة.
كانت ابنتة معة فتاة رقيقة ولكن وجهها باهت وحزين . يركب الجميع السيارات ويجلس فوزى بجوار السائق وفتحى فى المقعد الخلفى مع ابنتة التى تسرح بافكارها عبر نافذة السيارة . يلتفت فوزى الى الرئيس .
فوزى : حمدا لله على السلامه يا باشا .
فتحى : اللة يسلمك . كل شئ تمام 0
فوزى : كل شيء تمام فى النادى والشغل يا باشا 0000000000
يدق جرس موبيل الرئيس كان المتحدث ابنه الكبير وحيد 0
فتحى: اهلا يا وحيد اللة يسلمك انت عامل ايه ؟ كله تمام ؟ واخوك كويس ؟ مش هينعدل الواد ده ابدا 0 طب اشوفك فى البيت 0
يغلق الرئيس الاتصال ويسأل فوزى.
فتحى : وليد فين يا فوزى ؟
يرتبك فوزى لا يعرف بماذا يرد ثم يسرع قائلاً 0
فوزى : نايم يا باشا . تعب كثيرا فى حفلتة امبارح فى النادى .
فتحى : هى الحفلات كده عمال على بطال 0 وانت فين يا نائب على نفسك و بس 0
يخفض فوزى رأسه ويرد بصوت خافت
فوزى : وهو انا اقدر عليه يا باشا 0
هز فتحى راسة ووصلا الى قصرة الفاخر وصعدت ابنتة الى غرفتها . وذهب الرئيس الى المكتب ووراءة فوزى الذى اغلق الباب خلفة .
=============================
المشهد ( 18 ) أخبار وتعليمات
سالم وحمدى يجلسان فى صباح اليوم التالى يتناولان الشاى . يضع حمدى فنجان الشاي ثم يلتفت الى سالم
حمدى : بلاش تشتبه فى الناس بالاحساس يا سالم 0
سالم : مش هسيب حد فى النادى ده بداية من عامل النظافه لاكبر راس 0
حمدى : مهمتنا صعبه ومحتاجه صبر والاستعجال ممكن يوقعنا فى الغلط .
يحضر حسن ويلتفتان الية .
حسن : رئيس النادي وصل هو وبنته . وعلى فكرة هو مش رئيس النادى .
سالم : يعنى ايه ؟
حسن : هو صاحب النادى . كل شيء باسمة .ده طلع على تقيل قوى .
التفت سالم الى حمدى ثم عاد الى حسن
سالم : عاوز اعرف كل حاجه عن بنته دى 0
حسن : فورا يا رافت بك .
ينصرف حسن ويلتفت حمدى الى سالم
حمدى: ودى هيكون لها دخل بموضوعنا ؟
سالم : احنا قلنا ايه 0
حمدى : انت بتفكرنى بالافلام اللى بنشوفها 0
سالم : لا قصدك بالمثل اللى بيقول ابحث عن المرأة وطالما ابنى انقتل مع واحده حامل يبقى أى واحده جوه موضوعنا لازم ندور فى حكايتها
حمدى : والله مانا عارف مين فينا اشتغل فى الشرطه 0
================================
المشهد ( 19 ) عائلة الرئيس
فتحى رئيس النادى يطرق باب غرفة ابنتة فتأذن بالدخول.
فتحى : صباح الخير يا حبيبتي .
ترد والحزن فى عينيها
رانيا: صباح الخير يا بابا .
فتحى : حبيبتي نورا عاوز اتكلم معاك .
رانيا : تفضل يا بابا .
يقترب فتحى من ابنتة ويجلس بجوارها ويمسح على شعرها 0
فتحى : انا عاوزك تنهى الحالة دي وترجعى نفس زمان .
رانيا : زمان يا ريت زمان يرجع .
فتحى : يا بنتى انتى بتخلينى احس انك عجوزه قوى 0 الدنيا ياما بيحصل فيها والحياه بتمر 0
رانيا : بتمر بس ازاى بتمر 0
فتحى : يا بنتى اللى حصل وجعنى ولسه واجعنى لكن الحياة قدامك ولازم تكونى اقوى من كدة.
رانيا : يمكن الوقت ينسينى .
فتحى : الوقت طال قوى وانا كبرت ومحتاج لابتسامتك.
تهز راسها وتضع راسها على صدر والدها .وكانت تمسك بصورة طفل فى يدها 0
ينزل فتحى الى بهو قصرة فيجد ولدة الاكبر وحيد . فيما جلس وليد ابنة الاخر يحادث احدهم فى التليفون يلقي بنظرة عدم الرضا على وليد ويتجة الى ولدة وحيد الذى يقف يحتضن والدة .
فتحى : اقعد يا وحيد عملت اية فى فصل اعمالنا عن علاء وابوة .
وحيد : الموضوع دة يا بابا مش بسيط .
يقاطعة فتحى صارخا .
فتحى: بسيط كبير معقد مهما كان انا مش عاوز حاجة تربطني بالناس دى .
وحيد : حاول تهدأ يا بابا .الشغل مش كدة وانا اؤكد لك انة بعد العمليتين المشاركين معانا فيهم ما ينتهوا مش هتشوفهم .
فتحى : المهم تنهى باسرع ما يكون .
وحيد : حاضر يا بابا .
فتحى يلتفت الى وليدالذى كان جالسا غير مهتما ثم صرخ فية فجعلة ينتفض واقفا ولكن متململا
فتحى : تعالى هنا يا فاشل .
يقترب وليد وهو متضايق
فتحى : انت مش هتنفع ابدا .
وليد: لية يا بابا .
فتحى : ولا حاجة نافع فيها وبعدين.
وليد : وانت طلبت حاجه يا والدى .
فتحى: اذا ماتعدلتش هرميك فى الشارع 0
وليد : انا تحت امرك فى البيت وفى الشارع يا زعيم .
فتحى : مفيش فايده . وحيد خد الكائن ده معاك وخلية يعمل اى حاجه فى المؤسسة ولو كانت قهوه وشاى 0
وليد : أشربهم 0
فتحى : لا تعملهم 0
يضحك وحيد ويخفى فتحي ابتسامتة ويخرج ويترك وحيد الذى يجذب وليد من يده وياخذه معه
=====================================
المشهد ( 20 ) زيارة صديق
سعيد يجلس فى ديوانية القصرفى البلده مع شاب جاء يقدم العزاء فى احمد .
سعيد : انت يا تامر يا بني كنت زميل احمد و صديقه مش كده .
تامر : ايوة يا حج انا واللة الدنيا بتلف بي ومش قادر اصدق ان احمد اللى الخير كله جواه يحصله ده .
سعيد : وانت مكنتش حاسس بحاجه غريبه فى الايام الاخيره .
تامر : احمد كان عاوز يجمع كل اولاد وبنات الشوارع ويعمل لهم مشروع ومجمع سكني .
سعيد : اللة يرحمة .كان بيهتم بهموم الناس 0
تامر : انا كنت بقوله دايما لو انت بتحكم مدينه هتبقى اسعد مدينه 0
سعيد : احمد مقلش لك على حاجه شاغلاه .
تامر : احمد كان فى مشكلة مع واحد0
سعيد: مشكلة اية ؟
فى تردد يكمل
تامر : معرفش تفاصيل لكن كل اللى عرفته فى يوم كنت معاه فى البيت واتصل عليه واحد صوته كان واضح من الموبايل وسمعته بيهدد احمد وبيقوله اذا مطلعتش بره الموضوع ده مش هتلقى نفسك .
سعيد : واحمد مقلش اسمه .
تامر : لا بس رد عليه وقاله انا اللى هخليك تعرف نفسك كويس وقفل الخط .
سعيد : طب بعد ما قفل انت معرفتش منه فى ايه ؟
تامر : لا يا عمى انا سألته لكن هو قالى ده موضوع حساس شويه ولما ينحل هيقلى .
سعيد : وانت محستش بأى حاجه ؟
تامر : من الكلام اللى حصل حسيت ان الموضوع فى واحده بس مين معرفش 0
سعيد: انت تعرف حاجه عن نادى الورود ؟
تامر : انا واحمد مشتركين فى نادى الجزيرة واحمد قال لى ان عضوية نادى الورد كانت هدية من زميل لنا فى الجامعة .
سعيد : واسمة اية زميلكم دة.
تامر : ده يبقي ابن صاحب نادى الورد واسمة وليد0.
سعيد : يا بنى انا متشكر على تعبك وجيتك 0
نامر : لا يا عمى احمد كان اعز صاحب ليه 0
ويستاذن تامر ويتبعة سعيد وقبل ان يركب سيارتة يستوقفة سعيد ليسالة.
سعيد : معلش يا ابني سؤال اخير .
تامر : اتفضل يا عمي .
سعيد : وليد ده صديق لاحمد ؟
تامر : لا يا عمي علاقتهم سطحية ولكن العضوية دى كانت من مجموعة وزعها وليد فى الجامعة على ناس معينين واحمد كان رئيس الاتحاد ومعروف جدا للجميع .
سعيد : معلش يا بنى فى حاجه عاوز اقولهالك
تامر : تحت امرك 0
سعيد : انت اتكلمت مع حد فى الحكايه دى 0
تامر : لا يا حج 0
سعيد : ولا البوليس ؟
تامر : انا كنت مسافر ولسه جاى ومحدش سألنى
سعيد : طب يا ابنى احنا ناس صعايده ولنا وضعنا وكلام زى ده ممكن يسئ لنا ولاحمد فبلاش تعطى التفاصيل دى لاى حد ولا البوليس 0 احنا مش عاوزين فضايح 0 اذا كان احمد عزيز عليك 0
تامر : اطمن يا عمى انا مش ممكن اكون سبب فى متاعب خاصة لانسان عزيز عندى زى احمد 0
سعيد : شكرا يا ابني .
تامر : البقية فى حياتكم يا عمى .مع السلامة .
=============================
المشهد ( 21 ) اجتماع النادى
يصل فتحى رئيس النادى الى مقر النادى وتتبعه سيارة حراسه . وينزل من السيارة وفى انتظاره--- فوزى النائب الذى يرحب بة فى تكلف واضح .
فتحى: ايه الاخبار يا فوزى .
فوزى : كله تمام يا ريس والاعضاء فى انتظار حضرتك .
يدخل الاثنان الى غرفة الاجتماعات حيث كان يجلس اعضاء المجلس الذين وقفوا يرحبون بالرئيس ويسلمون عليه .يجلس فتحي وبعدة يجلس الجميع وعلى يمينة يجلس فوزى
فتحى :احنا عاوزين نعمل حاجة كبيرة في النادى ده انا مش عاوز سلبية فى التواجد الرياضى .
فوزى : احنا امامنا اكثر من مقترح .
فتحى : اشرح.
فوزى : طبعا معروف ان كرة القدم هى اللى بترفع اسم النادى والاقتراح اننا نهتم باللعبة علشان ننافس ونتواجد ويزيد الاعضاء .
فنحى : وايه المانع ننفذ .
فوزى : احنا بنعتمد على ناشئين ولازم نشترى.
فتحى : اى طريقة مفيش عندي مانع .
احد الاعضاء : لكن يا ريس الشراء يعنى مبالغ كبيرة والعائد منها فى هذة المرحلة قد يكون غير موجود .
فتحى : يعنى ايه انا مش بفهم فى الكوره دى ؟
فوزى : كل الاندية بتعمل مشاركة من الاعضاء رجال الاعمال للمساهمة فى شراء اللاعبين .
حدثت الهمهمات المستنكره من الاعضاء الجالسين خوفا من مطالبتهم بالدفع 0
فتحى : يعنى انت فاكر ان عندنا حد يدفع يا ذكى 0شوف الحكايه دى تتكلف كام وانا هدبر الفلوس اللازمه 0
فوزى : دعم سيادتكوالدخول فى المنافسة هيكون مكلف لاننا قدامنا الملعب اللى عاوز تجهيز ودة مكلف جدا على سيادتك لوحدك 0
فتحى : انت بتتكلم فى موضوع وتحطلى مشكله ومفيش فى مخك حل لها 0
فوزى : احنا عندنااعضاء جداد رجال اعمال كبار وهما اللى عرضوا مش انا 0
عضو : وفين دول ؟
نظر له فتحى باستنكار لسؤاله ثم نظر الى فوزى ليفسر 0
فوزى : هما جم من يومين ويمكن يجوا النهارده
فتحى : هاتلى اوراق عضويتهم اشوفها وانتو يا ساده اتفضلوا 0
فوزى : اهى يا ريس انا مجهز كل حاجه 0
======================
المشهد (22 ) أول الخيط
سالم فى غرفة مكتبه فى القصر يستمع الى سعيد وما جرى مع تامر صديق احمد وسالم يدون اللى قاله سعيد 0حتى انتهى وسأله سالم
سالم : هل شك فى انك انا .
سعيد : لا طبعا انت عارف . وكان عندى خبر من اول ما دخل بسيارتة زمام البلد .
سالم : طيب خد بالك وكمل اللى اتفقنا علية . مع السلامة .
يدخل حمدى و ينظر الى سالم الذى يعيد قراءة ما كتب يصمت حتى ينظر الى حمدى .
سالم : دلوقت عندنا اسماء واشخاص .
يمد يده بالورقة الى حمدى الذى يتناولها ويقراها.
حمدى: يعنى كده احنا فى المكان الصحيح .
سالم : دلوقتى لازم نعرف الشخص ده مين والست العاملة فى النادى وبنتها فين.
حمدى : كده احنا مهمتنا بدات تكون واضحة اكثر .لكن المعلومات دى ممكن تكون عند البوليس وفى الحالة دى ممكن يعرفوا احنا بنعمل ايه .
سالم : لا الولد بيقول انه لسه راجع من السفر واكد عليه سعيد انه ميجبش سيره 0
ياتى حسن مسرعا متجها اليهم .وكان يبدو عليه الاهتمام الشديد 0
سالم : اتاخرت لية يا حسن .
حسن : انا كنت عاوز يكون معايا اخبار مفيده .
حمدى : وفى اخبار مفيده.
حسن : قصص وحكايات يا باشا .
سالم : اتكلم يا حسن .
حسن : طبعا عارفين ان فتحى صاحب النادى بيتاجر فى كل حاجة وخاصة السلاح . وابنته كانت متجوزه من ابن شريك لة وانفصلت عنه0والطلاق كان بعد حادثة مأساوية جدا لان زوجها ابن شريك ابوها كان سكران وركب عربيته وهو داخل بالعربيه البيت صدم ابنه الصغير ثلاثة سنوات ومات وانهارت رانيا بنت فتحى ومقدرتش تبقى لحظة مع جوزها واضطر ابوها للسفر بيها بعد الطلاق علشان تتعالج نفسيا فى الخارج .
سالم: واولادة عرفت اية عنهم .
حسن : وحيد الكبير ويدير اعمال والدة كلها . ووليد الصغير بيعيش حياتة وبيدرس في الجامعة الامريكية غير ملتزم صايع وابوة مش راضي عن تصرفاتة او طريقة حياتة .
حمدى : لكن يا حسن دى حاجات مش غريبة او تلفت الانتباة.كل بيت فية احداث ومشاكل جواز وطلاق عيال كويسة وعيال طايشة .
حسن : ماهو يا باشا انا بجمع اى معلومات .
يقاطع سالم وينظر الى حمدى ثم ينظر الى حسن
سالم : حسن بيعمل اللى علية فى حدود اللى عندة واظن انة مظلوم فى المهمة دى لانة مش عارف بيدور على اية .
حسن : صح يا رأفت باشا وانا كنت خايف اسأل عن تفاصيل احسن تضايقو منى 0
سالم : لا يا حسن انت من حقك تعرف واوعدك اعطيك تفاصيل بعدين . المهم دلوقت فى شيء تانى تبحث عنة .
حسن: انا تحت امرك.
سالم : فيه واحده بتشتغل فى النادى .
حسن : بتشتغل ايه ؟
يكمل حمدى : دى عاملة نظافه وعندها بنت شابه كل اللى عاوزينه معلومات عن الست دى واى شيء حصل معاها فى الفترة الاخيره .
حسن : ده شيء سهل .
سالم : لا يا حسن مش سهل خليك حريص وانت بتدور عن اى معلومه عن الست دى .
حسن : طب افهم
سالم : انت بس اعرف أى أخبار عنها 0
===============================
المشهد ( 23 ) لقاء أمنى
فى صباح اليوم التالى حمدى يجلس فى مكتب العقيد شوقى .
حمدى : يعنى معرفتوش حاجه لسه 0
شوقى : حضرتك عارف ان الحادث محدش شافه لكن احنا مش ساكتين 0
حمدى : وما عرفتوش حاجة من اصحابة فى الجامعة .
شوقى : كل اللى قدرنا الوصول لة هوية البنت اللى كانت مع احمد فى السيارة .
حمدى : وطلعت مين .
شوقى : دى بنت كانت بتشتغل مع امها فى نادى جديد . بس فى حاجه كمان مش عارف اقولهالك ازاى0
حمدى : قول يا شوقى 0 فى ايه؟
شوقى : البنت كانت حامل فى شهرين 0
حمدى : حامل !!! هى كانت متجوزه
شوقى : لا وده معرفش تفسيره ايه ؟ لكن الاحتمالات كلها موجوده 0
حمدى : وامها تعرف حاجه عن ده 0
شوقى : لا كل اللى قالتة وتكررة (خلاص اللى راح راح سيبونى اربى عيالى ).
حمدى : هى عندها اولاد غير البنت دى .
شوقى : نعم بنتين فى الثانوية وولد فى الابتدائي .
حمدى : وابوهم .
شوقى : مات من خمس سنوات ومكنش موظف لكن كان بيشتغل فى المعمار "نقاش"ومات نتيجة سقوطه من بلكونة فى الدور الخامس وهو بيشتغل فى سقف البلكونة .
حمدى : والست دى كانت بتشتغل فى النادى ده قبل ما يموت .
شوقى : لا ولكن بعد موت جوزها اضطرت للشغل هى وبنتها نجوى .
حمدى : طب اية اللى جاب البنت دى مع احمد فى السيارة .
شوقى : دى الحلقة المفقودة عندنا لكن البحث جارى .
حمدى : اشكرك يا شوقى انا عارف انى اخذت من وقتك .
شوقى : احنا تلاميذك يا حمدى باشا ومتقلقش انا معنديش شغل فى بالى غير القضية دى وطمن سالم بك . بس ممكن سؤال
حمدى : تفضل
شوقى : هو ممكن يكون فى علاقه بين احمد والبنت دى
انفعل حمدى من السؤال ورد بثقة
حمدى : لو كنت عرفته مكنتش سألت 0
شوقى : أسف يا فندم بس انت عارف شغلنا 0
حمدى : انا عارف يا شوقى واسيبك دلوقت وهنكون على اتصال .
شوقى : ويا ريت يا افندم اى معلومات نتبادلها .
ينظر لة حمدى نظرة لها معنى وكأنة يشعر بان شوقى على دراية بشيء ثم يرد.
حمدى : اكيد اكيد . مع السلامة .
===========================
المشهد (24 ) حقيقة فوزى
فوزى يجلس مع احد الاعضاء فى المكتب .
فوزى : يا شريف احنا مش عاوزين مشاكل . النادى ده مش حكومه يا حبيبي ده له صاحب
شريف : لكن يا فوزى الانحلال فى النادى محدش يرضى بيه 0
فوزى : شريف انا مش عاوز كلام كثير ممكن يوصل للريس خلينا كده حلوين .
شريف: لكن هو لازم يعرف .
فوزى : واذا عرف وقال لنا مع السلامة هتقول له حاجه. فكر كويس .
شريف : انا مقدرش اشتغل فى مكان المفروض انه نادى مش وكر دعاره .
فوزى : شريف حاسب على كلامك.
شريف : بقولك ايه انا مستقيل لان الظاهر انك مش مضبوط.
فوزى : انت اتجننت .
شريف : لا ده انت اللى راجل قواد.
فوزى : يا سافل اطلع برة النادى واياك تقترب منة .
يخرج شريف ويترك فوزى فى حالة هياج كبيرة.يتصل على الامن .
فوزى : شريف المنياوى اذا قرب من بوابة النادى اضربوة بالجزمة.
الامن : هو خرج دلوقت يا فندم .
فوزى : يا حمار اذا رجع تانى ميدخلش 0
الامن : مفهوم يا افندم .
============================
المشهد ( 25 ) علاء
فتحى فى حديقة بيتة يجلس مع ابنتة يتناولان الشاى بعد الافطار0 يأتي احد حراسه ويميل عليه ويهمس له بشيء فتتغير ملامحة ويقف غاضبا .
تنظر الية ابنتة فى تساؤل .
رانيا : فى حاجة يا بابا .
فتحى : لا يا بنتي حاجه فى الشغل وراجع بسرعه .
يمشي مع حارسة فى اتجاة بوابة القصر . وهناك خارج البوابة كان زوج ابنته السابق علاء واقف بجوار البوابة وكان غاضبا ايضا .
علاء : ليه كدة يا عمى رجالتك يمنعونى اقابلك واقف هنا عند البوابه.
فتحي : انت عاوز ايه .
علاء : عاوز اتكلم مع رانيا .
فتحى : انت اتجننت . تعرف اذا ما مشيت هدفنك هنا .
علاء : بلاش كده يا عمى .
فتحى : انا مش عاوز كلام كتير روح خلص كل ما ليك انت وابوك معانا . واقعد مع وحيد.
علاء : يا عمي .
ينصرف فتحى ويرحل علاء ويعود فتحى الى ابنته .
رانيا: فى ايه يا بابا .
فتحى : لا يا حبيبتى مفيش .
رانيا : انت متضايق كده ليه .
فتحى : شوية شغل مش عارفين يخلصوهم الاغبيا .
انصرف علاء متجها الى وحيد وهو غاضب مما فعله فتحى 0 يصل الى مكتب وحيد وتدخل السكرتيره لابلاغ وحيد بوجود علاء بالخارج ولكن علاء تبعها الى الداخل وهو غاضب 0
علاء : هو ايه ده من امتى بندخل على بعض بالسكرتيره يا وحيد بيه .
وحيد : روحى انتى 0000 فى ايه ايه يا علاء
علاء : عمى كان عاوز يقتلنى على بوابة البيت .
وحيد : انت اتجننت ومش بتتعلم . فى حد يا مجنون يروح من غير ترتيب كده وخلاص 0 ثانيا رانيا لسه راجعه من علاج 0 انت ليه مقلتش قبل ما تعمل كده 0
علاء : يا ناس هو الولد اللى مات ده مش ابنى .
وحيد : بلاش نتكلم فى الموضوع ده 0
علاء : يعنى مفيش فايدة .
وحيد : مع الوقت الامور بتتصلح.
علاء : واية الموضوع اللى عمى فتحى بيقول اقعد معاك فية .
وحيد : والدى مصمم ينهى اى عمل بينا.
علاء : نعم وهو ده ممكن .
وحيد: انا قلت الوقت هو الحل للتوتر الموجود دلوقت.
علاء : شوف يا وحيد لو الموضوع ده طول كده انا هتصرف بطريقتي .
وحيد : انا قلت انك اتجننت .
علاء : يعنى ايه؟
وحيد : انت لسة معرفتش ابويا كويس ده ممكن يولعها حرب وبلاش الكلام ده لانه مش فى مصلحتك .
علاء : يعنى اعمل ايه ؟علشان غلطت وخسرت ابنى اتعاقب بالشكل ده 0
وحيد : علشان تدور على الحل لازم تظهر حزنك وتعبك مش الجنون اللى بتعمله ده 0
علاء : يعنى اربى لحيتى واقعد فى البيت واتجنن .
وحيد : بقول لك اية اظاهر انى هكون فى صفهم عليك وانفذ كلام ابويا .
علاء : اوعدنى يا وحيد انك تتوسط وتصلح بينى وبين رانيا .
وحيد : خلينا فى الشغل وهشوف هعمل ايه مع رانيا 0.
علاء: ماشي .
وحيد : انا قدامى الصفقه الجديده 0
علاء : صفقة الصومال دى صفقة العمر يا زعيم 0
وحيد : ايوه بس0
علاء : بس ايه ؟
وحيد : جنان يا صاحبى جنان 0
علاء : بقولك ايه هى مش زى بورندى والسودان وغيرها 0 ثانيا احنا بس وسيط المره دى 0
وحيد : بس ازاى يتنفذ يااااااااااا مجنون 0
علاء : انا هقولك 0
=========================================
المشهد ( 26 ) الصدمه
سالم يجلس فى مكتبة ممسكا بالقلم يخطط بعض الدوائر ويدق بالقلم على الدوائر الفارغه 0 يدخل علية حمدى .
سالم : كنت فين .
حمدى : فى مديرية الامن .
سالم : عرفت حاجه .
حمدى : البنت اللى كانت مع احمد وماتت كانت حامل وهى نفسها بنت الست الشغالة فى النادى .
سالم : حامل ؟
حمدى : مش متجوزه 0
سالم : حامل ومش متجوزه مع ابنى احمد 0 اكيد فى حاجه فاتتنى 0
حمدى : احمد مش ممكن يكون هو اللى 00000000000 .
سالم : اكيد لا 0 الموضوع له علاقه بالولد التانى اللى قال عليه صاحب احمد 0 ده اكيد اه اكيد 0 ابنى مش بتاع كلام وسخ زى كده .
حمدى : ده مفهوم ان البنت لها علاقة باللى قتلوا احمد.
سالم : وامها ست غلبانه يعنى مش معقول تكون لها يد فى قتل ابنى 0
حمدى : كل شئ جايز يا سالم 0
سالم : هو ايه اللى جايز ؟
حمدى : يعنى ممكن الست عرفت 0 وجابت اللى يقتلهم هما الاتنين 0
سالم : احتمال ضعيف 0 اولا لان ابنى مش ممكن يكون له علاقه بحمل البنت دى 0 وثانيا علشان فى زمانا ده الغلابه ملهمش فى الانتقام 0 الغلابه لهم القانون 0
حمدى : طب امها لما عرفت ان بنتها حامل متكلمتش ليه 0 .
سالم : ممكن تكون خايفه على عيالها 0 او حد مهددها متتكلمش 0
حمدى : كله ممكن واذا كان عندها حاجه تفيدنا يبقى لازم نديها الامان 0
سالم : ده هنفكر فيه بعدين 0على فكرة استعد النهاردة نروح النادى .
يهز حمدى راسة بالموافقة .
==============================
المشهد ( 27 ) وليد
وليد الابن الاصغر لفتحى رئيس النادىفى غرفتة بالمنزل يتحدث لصديقته عبر الانترنت.
وليد : دا انتي صاروخ يا بنتي وخسارة انك شيء مش ملموس.
البنت اللى يظهر وجهها وجزء من جسمها فى كاميرا الكمبيوتر ترد علية.
البنت : لا يا حبيبي كده احسن معاك يا ابليس 0
وليد : طيب ما تيجى نتقابل وتشوفى انى مش ابليس 0 انا بس هجيبه معايا .
البنت : مين ده اللى هتجيبه معاك ؟ .
وليد : ابليس .
البنت : وانت عاوز تقابلنى ليه ؟ .
وليد : علشان تعدى مرحلة النت دى 0 تعالى شوفى العالم بتاعى .
البنت : العالم بتاعك مش بتاعى .
وليد : على فكرة انا مش بحب قصص العيال دى.
البنت : ولما انت مش محتاج بنات عاوز تقابلني ليه؟
وليد : انا الملجأ يا بنتي .
البنت : طيب يا عم الملجأ هو حد قلك انى يتيمه ولا مرميه على باب جامع .
وليد : شوفى كلامى مباشر هتيجى ولا لأ .
البنت : توعدنى انك تكون محترم معايا.
وليد : قابليني وانتى تعرفى.
البنت : فين ؟
وليد: تعالى النادى بتاعنا .
البنت : انتو عندكو نادى كمان !!
وليد : احنا عندنا دنيا. شوفى انا هنتظرك فى نادى الورود.
البنت : ده نادى جديد ؟
وليد : عارفاه0
البنت : اه .
وليد : النهاردة الساعة 9 ماشي .
البنت : ماشي .
وليد : هانتظرك ولما تيجي عند بوابة النادى قوليلهم عاوزه وليد.
البنت : بس كده .
وليد : دى عضويتك يا حلوه.
البنت : والله انا خايفه من العضويه دى 0
وليد : دى دنيتك الجديده
البنت : طيب باى .
يغلق وليد الكمبيوتر ويدق الموبايل الموجود على فراشه يلتقطه وليد وينظر للرقم مستنكرا الرقم لا يعرفه لكنه يرد
وليد : نعم .
فتاة : وليد انا نورا.
وليد : نورا مين .
نورا : وليد انت نسيتني .
يفكر وليد قليلا ثم يتذكر ويكتم صوته يخشى ان يصدر منه صوت ثم يجمع شجاعته ويرد 0
وليد : انتى فين يا هانم 0 اختفيت ولا حد عارفلك سكه 0
نورا : عاوزه اشوفك .
وليد : معلش انا مش فاضي دلوقت .
نورا : يعني خلاص اللى انت عاوزه اخذته .
وليد: اخدت ايه يا قطه . اللى انا اخدته غيرى اخده قبلى .
نورا : انا قلت لك انى كنت متجوزه وانفصلت .
وليد : حبيبتى انتي مخسرتيش حاجة ودى كانت تجربة واتعلمى منها .
نورا : يعني كنت بتتسلي .
وليد : انا وانت كنا بنتسلي وموضوع انك متجوزه ده ممكن تقوليه لحد بعدى .
نورا : بس انا مش من اياهم 0
وليد : شوفى يا حبيبتى انا مش بتجوز بس اذا عاوزه تعيشيلك يومين معايا انا تحت امرك ومش هحرمك من حاجه 0
نورا : يعنى عاوزنى من غير جواز 0
وليد : يا مدام احنا عرفنا بعض من الفيس بوك واذا انتى مش عاجبك غيرى كتير على البال توك 0
تغلق الخط ويلقى وليد التليفون على الفراش ثم يدخل الحمام ليستحم .
===========================
المشهد ( 28 ) محاوله ناجحه
رانيا ابنة فتحى لا تزال فى حزنها على طفلها 0 تغلق على نفسها غرفتها تشاهد مقاطع الفيديو المسجله لابنها الراحل وكلما جاء مشهد لزوجها مع ابنها تحذفها 0 دموعها لا تجف 0
فتحى يطرق الباب ويستأذنها فى الدخول لتفتح 0 تسرع بأغلاق الفيديو وتفتح لوالدها 0
فتحى : رانيا حبيبتي انا رايح النادى تعالى معايا .
رانيا : بابا خليني شويه .
فتحى : حبيبتي انا منتظرك فى المكتب ومصمم انك تخرجى معايا والا انتى عاوزه تخلينى اموت بالحزن اللى فيك.
رانيا : لا يا بابا حاضر انا جايه معاك .
يبتسم فتحى ويقبل ابنتة فى راسها ويتركها تلبس .
ينزل وليد متجها الى الخارج ذاهبا الى النادى فينادى علية والده فيذهب اليه فى المكتب .
فتحى : انت رايح النادي .
وليد : اه يا بابا عاوز حاجه .
فتحى : لا انا واختك رايحين .
وليد : و الله صحيح ده حلو قوى 0
فتحى : عاوز لما نوصل تحاول تعمل اى حاجه تشغل اختك وتنسيها الهم اللى هي فيه .
وليد : حاضر يا بابا. انا هعملها اراجوز علشان خاطرك وخاطرها 0
ينصرف وليد ويبقي فتحى منتظرا ابنته.
================================
المشهد ( 29 ) زيارة الابن الاكبر
هشام يصل البلد تحتضنه الام ثم يحتضن زوجته 0ويسلم على هدى زوجه عمه حمدى ويجلس الجميع .
سعاد: وانت عامل ايه يا ابني .
هشام : الحمد لله يا امي كله تمام .
هدى :اطمنت على ابوك وعمك .
هشام : متخافيش يا خالتى انا مش ممكن اخلى حاجه تحصلهم 0
نادية : وانت بتشوفهم .
هشام : هما بخير ومش عاوزكم تقلقوا 0 كمان الوالد محتج يريح أعصابه 0
سعاد : ربنا يطمنك يا ابني .
يدخل سعيد ويسلم على هشام
سعيد: تعالى يا هشام عاوزك.
هشام : حاضر يا عمى .
يدخل الاثنان الى المكتب ويجلس هشام بعد ان يجلس عمة سعيد
سعيد : يا هشام يا ابني والدك مش عاوز يقلق عليك .
هشام : لية يا عمي حصل حاجه .
سعيد : ابوك عارف انك بتتدخل 0
هشام : عمى اى حد بيفتكر اني هافضل اتفرج من بعيد واسكت او انتظر لى دور فى اللى بيحصل يبقي بيكدب على نفسه . ده والدى واللى مات ده اخويا احب الناس لقلبي واستبعادى يبقى وهم 0
سعيد: ا ابني انا عارف لكن مش عاوزين يحصل اى خطأ نتيجة انك بتشتغل فى شيء احنا منعرفهوش.
هشام : يبقى لازم اكون معاكم مش بعيد 0
سعيد : طيب انا هنظم معاك شغلنا وتقولى انت بتعمل ايه واحنا بنعمل ايه .
هشام : حاضر يا عمي .
المشهد ( 30 ) اللقاء والاعجاب
يصل سالم وحمدى الى النادى وكان فوزى فى انتظار نزولهما من السيارة .
فوزى : اهلا رافت بك اهلا حمدى بك .
سالم : اهلا يا استاذ فوزى .
حمدى : الجو النهارده حلو يا فوزى .
فوزى : الجو ميقدرش يكون وحش معاكم يا افندم وعلى فكره كنا بانتظاركم امبارح لكن سيادتكو بقه ما جيتوش 0
سالم : كان فيه شوية شغل .
فوزى : الله يكون فى العون يا فندم . فتحى بك رئيس النادى فى مكتبة وهو فى انتظار سعادتكم
يتجة سالم وحمدى وفوزى ويشير حمدى لرجال الحراسة بالانتظارفى حديقة النادى .
ويدخلان على فتحى فى مكتبة الذى يقف منبهرا بوقار وهيبة سالم وبريق شخصية حمدى .
فتحى : اهلا وسهلا رأفت بك اهلا وسهلا محمود بك .
يجلس الجميع ويظل فوزى واقفا . ينظر فتحى الى فوزى.
فتحى : فوزى ابعت لنا عليوه وروح انت خلص اللى قلت لك عليه .
ينصرف فوزى متململا كأنه كان يرغب حضور اللقاء .
حمدى : جميل النادى بتاعك يا فتحي بك .
فتحى : ده محاوله بسيطه 0
سالم : واضح اهتمامك واضح انك بتصرف كثير عليه .
فتحى: انا عملته بمزاج 0
سالم : واحنا مستعدين نساعدك
فتحي : ده شرف كبير لى يا رأفت بك 0 ولو فيه تسرع منى بالسؤال هو البزنس نتاعو فى ايه
سالم : احنا كل اعمالنا فى اوروبا وجيت انقل بعض أعمالى لمصر 0
فتحى : ده تفكير فى الوقت المناسب . البلد انفتحت اكثر وممكن الشغل هنا يكون مفيد كتير .
سالم : احنا مش بننظر للكتير لانه موجود ولكن بننظر للتواجد الايجابى مش اى تواجد اكيد سيادتك فاهمنى ؟ .
يدخل العامل عليوه ويسأل ماذا يطلبون
فتحى : تحبوا تشربوا ايه ؟
سالم : قهوة مضبوط .
حمدى: قهوة مضبوط.
فتحى : خلاص يا عليوه اعمل ثلاثة مضبوط الظاهر ان ده اللى بيسموة اللقاء المضبوط.
يضحك الجميع .
فى حديقة النادى تجلس رانيا تسرح وتتذكر ابنها الصغير ودموع على وشك السقوط من عينيها
يأتي اليها وليد اخوها ممازحا .
وليد : الحلوة دى قاعدة لوحدها لية .
رانيا : خليني وحدى يا وليد لو سمحت .
وليد : يا اختي يا حبيبتي الحياة تجارب ولو عند كل وحد ازمه ويعمل اللى انتى بتعمليه يبقى يموت احسن .
رانيا : يكون احسن .
وليد : لا يا حبيبتي دى سلبيه .
رانيا : انت خسرت اية علشان تحكم على تصرفات الناس .
وليد : لازم اكون مستعد نفسيا لحدوث اى شيء علشان اقدر اتحمله ولو فاكره انى مطمئن لحالى تبقي غلطانة انا حاسس اني فى انتظار مصيبه.
رانيا : اكيد مصيبه من بنت من اياهم اللى ضايع معاهم .
وليد: من بنت من ولد المهم اكون قادر على المواجهه والا هنكسر ومش هقوم تانى .
رانيا : دى اول مرة احس ان فيك عقل 0
وليد : لا يا ستي انا مجنون وهدومى مش مغسوله .
تضحك رانيا من كلامه
وليد : ايوة كدة طلع النهار .
تزيد رانيا فى ضحكتها
فى مكتب فتحى لا يزال الحوار
فتحى : بس على فكرة يا حمدى بك انا احس اني شفت سيادتك قبل كده.
سالم : حمدى شخصية تحس معاها بانك مش غريب عنها .
فتحى : وأنت كمان حضرتك يا رأفت بك أفكارنا زى بعض 0
سالم : صحيح . وانت يا رأفت بك بتفكر فى حاجة معينه .
حمدى : اى حاجه بس تكون كبيره .
فتحى : السوق مفتوح لاى افكار 0
سالم : كان عندى دراسة لانشاء شبكة محمول متميزة .
فتحى : ده مشروع كبير.
سالم : مش بس ده 0عندى فكرة انشاء مدينة متكاملة و مستقلة ذاتيا فى كل شيء.
فتحى : لا كده الكلام اصبح اعلى مما تصورت .
حمدى : يبقي لنا جلسة تانيه نشوف فيها .ايه اللى ممكن يدعم النشاط بالنادى.
فتحى : وانا اكون سعيد جدا بصحبتكم وتعالوا نغير المكان وتشوفوا النادى 0
ويقف الجميع ويخرجون 0يلمح فتحى ابنته ومعها ابنه وليدو تضحك معه ثم يلتفت الى سالم وحمدى
فتحى : يشرفني اعرفكم باولادى هناك .
يقتربون من طاولة رانيا ووليد . يقف وليد مرحبا
وليد : اظن يا بابا انت كدة راضي عني .
فتحى : اخيرا عملت حاجة كويسه . اعرفكم باعضاء جدد فى النادى رأفت بك وحمدى بك رجال اعمال كبار .
وليد : اهلا يا افندم .
سالم : حلوين ولادك يا فتحى بك ربنا يخليهم لك .
فتحى : يا رب ولو ان الولد ده تاعبنى جدا.
وهنا ياتي حارس النادى ويهمس فى اذن وليد الذى يتوتر قليلا .
وليد : بابا الامانه اهى عندك ذى الفل واستاذن فى واحد صاحبي عاوزنى ضروري .
فتحى : مفيش فايده .
وينصرف وليد ويجلس الجميع .وما حدث أن تعلقت رانيا منبهرة بهيبة ورجولة سالم 0 خرجت عن حالتها واستمرت فى النظر الى سالم ما لفت انتباه حمدى 0 كما ان سالم كان يحاول تجاهل نظراتها اليه 0 النظره بها كثير من الرسائل 0 واستمر فى الحوار 0
سالم : على فكرة يا فتحى بك انا عاوز اعمل حفلة تعارف عندى فى البيت 0.
فتحى : فوزى عندى يعمل لك كل اللى انت عاوزه .
حمدى : هو مش فوزى نائب سيادتك .
فتحى : اه نائب بس مش ذى ما انت فاكر فوزى عنده ميزات كثيره بيعرف يشتغل كل حاجه .
سالم: يبقي يقعد مع حسن وينظم للحفلة .
فتحى : حسن! مين حسن .
حمدى: ذى فوزى كده عندك .
فتحى : اه مفيش مانع .
سالم : بس احنا عاوزين نعمل اول دعوة دلوقتي وهى من نصيب بنتك الجميلة دى .
تبتسم رانيا وتنتبه من سرحانها فى سالم واعجابها به 0
رانيا : مرسى بس أنا مش هقدر0
سالم : ليه كده ؟ أول ما أطلب طلب ترفضيه 0
رانيا : لا والله بس مفيش عندى مزاج لحفلات فى الوقت ده 0
يدق موبايل فتحى فيهتم برؤية الرقم فيستأذن بالذهاب ليتحدث ثم يعود
سالم : أنا عاوز أقولك حاجه 0 مهما كان اللى بيك فى حاجات بعيده عنك بتحصل عشرات المرات أقسى من اللى انتى حاسه بيه 0 ويمكن لو انشغلت بحاجه يمكن تلاقى طريق تحسى فيه بنفسك 0
رانيا : أنا معجبه بتفكير حضرتك بس هو حضرتك مش مصرى
سالم : لا مصرى 0 ليه فاكره انى مش مصرى 0
رانيا : لا أبدا يمكن لكنتك مش ذى ما بنتكلم 0
سالم : المهم انتى فاهمانى ولو فى كلمه مش فاهماها اشرحها لك 0
رانيا ضاحكه : لا مش للدرجه دى 0
يحضر فتحى ويجد ابنته تضحك فيكون سعيدا
فتحى : كده يا رأفت بك تقعد معانا على طول
سالم : أتمنى والله يا فتحى بك بس مشغول زى ما انت عارف
فتحى : كنا اتعشينا مع بعض النهاردة .
حمدى : فرصة ثانيه والايام قدامنا .وهخلى حسن يقعد مع فوزى يرتب للحفله 0
فتحى : على راحتكم .
يقف سالم منصرفا يسلم على رانيا وفتحى وينصرفان ونورا متعلقه بنظرها بسالم حتى يركبا السياره وينصرفا 0 وتلتفت الى والدها
رانيا : هو ده صاحبك يا بابا 0
فتحى : لا أنا لسه مقابله 0 بس لو عايزاه يبقى صاحبى مفيش مانع 0
رانيا : اصله محترم قوى وتحس انه راجل بجد 0
فتحى : احسه !!على العموم شفت لما طلعت شفت ناس واهتميتى بالحوار معاهم0
تهز رأسها كأن والدها ذكرها بشئ تركته 0
ينصرف سالم وحمدى وخلفهما رجال الحراسة وتنطلق السيارتان.
وقبل ان يمر سالم بسيارته من بوابة النادى يلاحظ وقوف وليد مع فتاة بجوار بوابة النادى وهو يميل عليها وهى تتمنع قليلا بدلال .
( بقية القصه تعرفها من الكاتب أو تشتريها من مكتبات وسط البلد بالقاهرة ) memoaljaber@yahoo.com
========================
========================
تعليقات
إرسال تعليق